Падвесны мост у Мастах да рэканструкцыі. Фота: planetabelarus.by
Падчас рэканструкцыі ўлады Гродзенскай вобласці паабяцалі, што 10 метраў самага доўгага падвеснага моста ў краіне будуць шклянымі. Беларусы патрапілі на аб’ект да афіцыйнага адкрыцця і паказалі, як у выніку рэалізавалі задумку.
Беларус Сяргей пабываў на мосце за месяц да афіцыйнага адкрыцця аб’екта — у сакавіку 2025 года. Мяркуючы па апублікаваным роліку, асноўныя працы па рэканструкцыі моста ўжо скончаны. Падлогу ў новым падвесным мосце зрабілі драўляным, на парэнчах усталявалі асвятленне.
Пры распрацоўцы праекта ўлады Гродзенскай вобласці паведамлялі, што 10 метраў драўлянай падлогі ў сярэдзіне моста заменяць на шкло.
У беларуса рэалізацыя задумкі выклікала здзіўленне: замест 10 метраў шкла на падлозе з’явілася прадаўгаватая шкляная ўстаўка, агульная плошча якой не перавышае некалькіх метраў. Такіх уставак на мосце некалькі.
Сяргей пацікавіўся ў аднаго з будаўнікоў, чаму шкло ўстанавілі не па ўсёй шырыні моста. «Бабуля будзе ісці - яна пабаіцца ісці па ўсёй шырыні. А так вы зрабілі два крокі і ўсё», — растлумачыў знешні выгляд шкляной устаўкі супрацоўнік.
Пасля Сяргея папрасілі пакінуць аб’ект.
@sergeistrukman Подвесной мост в городе Мосты обзор. Скоро открытие 🍾 #nedobloger ♬ оригинальный звук — @NEDOBLOGER
Капітальны рамонт самага доўгага ў Беларусі падвеснага моста пачаўся ўлетку 2024 года. Збудаванне практычна поўнасцю разабралі і замянілі яго асноўныя элементы. Адкрыццё моста праз Нёман запланавана на 28 красавіка 2025 года.
На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…
У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…