Ілюстрацыйнае фота: pixabay.com
У Навагрудку і раёне плануюць высечы 252 дрэвы. З іх шэсць — у самім горадзе, а 246 — на могілках раёна.
Шэсць клёнаў высекуць у Навагрудку. Валку таксама правядуць на могілках вёсак Гагарына (42 дрэвы), Брацянка (63 дрэвы), Байкі (87 дрэў). Пры працах трэба абавязкова захаваць надмагіллі.
Навагрудскай раённай ЖКГ валка дрэў абыйдзецца ў 63 000 рублёў. Работы правядуць з 28 сакавіка па 16 траўня. Паўдзельнічаць у дзяржзакупцы можа любая юрыдычная асоба, у тым ліку ІП. У яе павінен быць супрацоўнік з сертыфікатам на правядзенне работ метадам прамысловага альпінізму.
Справа ў каранёвай сістэме, якая хутка разрастаецца і пашкоджвае помнікі, агароджы і труны. Некаторыя дрэвы пускаюць парасткі, якія прарастаюць на чужых магілах. Да таго ж, за дрэвамі трэба даглядаць падчас лістапада.
У Беларусі высякаць дрэвы на могілках можна толькі з дазволу адміністрацыі. Неабходна спецыяльнае абсталяванне і альпінісцкі рыштунак. Ствалы даводзіцца распілоўваць па частках, таму што пры падзенні яны пашкодзяць надмагіллі.
Чытайце таксама: Глядзі і плач! Які зялёны быў Гродна некалі (а зараз цалкам лысы)
На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…
У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…