Птушка. Ілюстрацыйнае фота unsplash.com
«Гроднаэнерга» купляе прыладу для адпужвання птушак. Яна не дазволіць ім садзіцца на элементы паветраных ліній электраперадачы. Так ізаляцыя не будзе забруджвацца, а птушкі - гінуць.
Змагацца з птушкамі збіраюцца пластыкавымі яршамі. Купяць 6 450 штук. Кожны будзе з прастакутнай асновай даўжынёй у межах 300+20 мм і трыма стрыжнямі вышынёй не больш за 640 мм. Яршы будуць устойлівыя да ўздзеяння ўльтрафіялетавага выпраменьвання і птушынага памёту.
У канструкцыі не павінна быць вострых колючых і рэжучых элементаў, якімі могуць траўміравацца птушкі.
На закупку выдаткуюць 78 200 рублёў са сродкаў прадпрыемства. Устаноўкай яршоў зоймуцца з пачатку красавіка па канец жніўня.
Пра птушак як пра праблему загаварылі ў 2024 годзе. Старшыня гарвыканкама Андрэй Хмель назваў чаек праблемай для практычна кожнага мікрараёна Гродна. Да жніўня 2025 года па замове ЖКГ у Гродне будуць лічыць, колькі чаек жыве на пэўных жылых дамах, якія віды, ці гняздуюцца яны там, і наколькі і ў які час яны актыўныя. Арнітолаг жа сумняваецца, што птушкі — сапраўды праблема для Гродна.
Чытайце таксама: «Азот» і сметнікі - вось што вабіць чаек у Гродна. Ці шкодзяць гораду птушкі?
Жыхара Ліды ў судзе хочуць абмежаваць у наведванні ігральных устаноў і ўдзелу ў азартных гульнях.…
У гарналыжным комплексе ў Каробчыцах закрылі і лыжную трасу. Яе адкрылі пасля закрыцця цюбінгавай, але ўжо…
Суд Ваўкавыскага раёна вынес прысуд мужчыну, які падмануў 72 чалавекі на суму больш за 205…
У міліцэйскім ваенна-патрыятычным клубе будуць вучыць дзяцей і падлеткаў узростам ад 11 да 17 гадоў.…
Сям'я Алега і Аксаны з Гродна зрабіла ў падарунак унуку мініяцюрную хатку. Цяпер кожны дзень…
У 2025 годзе ў Гродзенскай вобласці высадзяць больш за 43 тыс. дрэў, 12 тыс. кустоў…