Ілюстратыўнае фота
Святлана ехала на маршрутцы з Мінска ў Гродна. У дарозе жанчына звярнула ўвагу на тое, што вадзіцель сядзеў у мабільным тэлефоне. Святлану гэта абурыла — паводле яе слоў, мужчына некалькі разоў выехаў на сустрэчную паласу. Аб інцыдэнце беларуска распавяла ў сваім TikTok.
Каментатары параілі жанчыне звярнуцца ў ДАІ.
У відэа Святлана адзначае — пасля таго, як кіроўца некалькі разоў выехаў на сустрэчную паласу, яна ветліва папрасіла адкласці тэлефон. Па словах жанчыны, мужчына прыбраў смартфон не адразу і пачаў разважаць, што ж такога адбылося.
«Вы на працоўным месцы і вы за рулём. Некалькі разоў мы выязджалі на сустрэчную паласу — якая розніца, ёсць там хтосьці ці не? Я хачу ехаць спакойна», — кажа Святлана ў відэа.
У адказ вадзіцель пацікавіўся ў беларускі, ці замужам яна і дадаў, што ездзіць такім чынам ужо два гады.
У каментарах беларуска дадае, што ехала на маршрутцы гродзенскага перавозчыка, аднак назву кампаніі не паведамляе.
«Дзяўчына мае рацыю на ўсе сто. Часта еду гэтым маршрутам, ліхачаць моцна», — піша irina_karpova3.
«Калі гэта гродзенскі перавозчык — не здзіўлюся. Там шалёныя ўсе — асабліва фуры любяць абганяць», — адзначае Просто Юля.
Каментатарка таксама прыгадвае аварыю, якая здарылася ў красавіку 2024 года. Тады ў Мастоўскім раёне маршрутка з пасажырамі сутыкнулася з трактарам з-за таго, што пайшла на абгон. З 19 пасажыраў 10 пацярпелі.
«Пасля гэтага я перастала давяраць гродзенскім маршрутчыкам ад слова зусім», — дадае дзяўчына.
Беларускія ПДР забараняюць кіроўцам у дарозе размаўляць па тэлефоне, калі пры гэтым не выкарыстоўваецца гучная сувязь ці гарнітура, таксама нельга набіраць паведамленні. Рэгулюецца гэта пунктам 10.4 ПДР.
У выпадку невыканання правілаў вадзіцеля могуць пакараць па артыкуле 18.13 КаАП штрафам да дзвюх базавых велічынь (84 рублі).
Цяпер на дарогах устанаўліваюцца спецыяльныя камеры, якія фіксуюць правапарушэнні. У тым ліку праезд на чырвоны, непрышпілены рамень у кіроўцы ці размовы па тэлефоне за рулём.
У выпадку, калі чалавек стаў сведкам дарожнага правапарушэння, ён можа звярнуцца ў ДАІ. Паведаміць аб парушэннях можна па нумары 102.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…