Прарыў трубаправода на Крамко ў Гродне. Фота: аблвыканкам
10 лютага ў Гродне прарвала трубаправод цеплатрасы на вуліцы Крамко. Без ацяплення засталіся 21 шматкватэрны дом, дзіцячы сад і дзве крамы.
Абноўлена (15:42): прарыў ліквідавалі і цепланосьбіт падалі ў сістэму. Службы працуюць над разпаветрываннем сістэм цеплазабеспячэння жылых дамоў, паведамілі ў гарвыканкаме.
Пашкоджаны трубаправод дыяметрам 250 мм ужо аднаўляюць, расказалі ў аблвыканкаме. Працамі займаюцца брыгады філіяла «Гродзенскія цеплавыя сеткі» РУП «Гроднаэнерга». Сітуацыю ўзяў пад асабісты кантроль намеснік старшыні аблвыканкама Андрэй Жук.
Падачу цяпла паабяцалі аднавіць у гэты ж дзень, 10 лютага, да 18.00.
Службы ЖКГ у пастаянным рэжыме манітораць тэмпературу ва ўстановах адукацыі.
Калі вы заўважыце выбіванне вады з-пад зямлі або правалы грунту, энергетыкі просяць паведамляць па тэлефоне 115 або ў аварыйную службу цеплавых сетак +375(152)68−06−33. Таксама яны просяць не заходзіць за агароджы і выконваць бяспечную дыстанцыю.
Сёння ў Гродне мароз: днём -5, -4 С, пасля 19.00 -6 С, ноччу да -9.
Сёлета пасля планавага летняга рамонту цепласетак у Гродне перад пачаткам ацяпляльнага сезона энергетыкі правяралі трубаправоды паўторна, у тым ліку на Крамко. З 18 па 20 верасня «Гродзенскія цеплавыя сеткі» правяралі трубаправоды на цеплавыя і гідраўлічныя страты. Праз гэта гарачую ваду адключалі на тры дні.
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…
Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…
Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…