Узнагароджаныя добраахвотнікі. Фота: beresta.by
На мяжы на выезд з Беларусі - узмоцненыя праверкі. У апараце кіравання РУП «Гроднаэнерга» апошнім часам звольнілі па ўласным жаданні не менш за восем супрацоўнікаў. Ваўкавычаніна судзілі за парушэнне на выбарах. Рэдакцыя Hrodna.life вывучыла, што адбылося ў вобласці з 3 па 9 лютага.
BYSOL атрымаў сілавікі ўзмацнілі кантроль і праверкі і тых, хто выязджае з краіны. Пазней пра гэта паведаміла «Вясна».
«Будзьце пільныя і падрыхтаваныя — трымайце дэвайсы чыстымі, галовы халоднымі і памятайце што тэхніка бяспекі жыцця пры дыктатуры гэта, у першую чаргу, ваша асабістая адказнасць», — піша Андрэй Стрыжак.
У людзей правяралі тэлефоны: сярод іншага, сілавікі глядзелі гісторыю пошуку Google.
Максім Арбузаў з Воранава прызнаны былым палітвязнем.
У Бераставіцы ўзнагародзілі «самых актыўных сябраў моладзевых атрадаў і добраахвотных дружын аховы правапарадку», якія дзяжурылі на ўчастках для галасавання на выбарах. Ім уручылі ганаровыя граматы і грашовую прэмію ў памеры 2 базавых велічынь.
Ступакевіч Ганна Аляксандраўна, Ашурка Антон Аляксандравіч, Касіла Анатоль Анатольевіч, Бобікаў Андрэй Ігаравіч, Пастушок Іван Аляксеевіч з Гродна 7 лютага папоўнілі спіс «экстрэмістаў».
Для навучэнцаў сярэдняй школы № 3 правялі экскурсію ў РУУС Кастрычніцкага раёна. Школьнікам паказалі, як карыстацца міліцэйскімі дубінкамі і далі патрымаць аўтаматы. Мерапрыемства прайшло ў рамках прафарыентацыі.
З канца 2024 года асуджаным на «хімію» і «хатнюю хімію» па палітычных артыкулах узмацняюць пакаранне. Вядома каля 10 такіх выпадкаў. Суды па замене пакарання праходзяць нават над тымі, хто з’ехаў за мяжу.
Жыхара Ваўкавыска судзілі паводле арт. 10. 9 КаАП «Парушэнне заканадаўства аб выбарах». Верагодна, ён спрабаваў вынесці або сфатаграфаваць бюлетэнь. Суд над Аляксеем Слаутам прайшоў 6 лютага ў судзе Ваўкавыскага раёна. Пасяджэнне з’явілася ў раскладзе судоў.
Па арт. 19.11 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць» судзілі жыхароў Ашмянаў і Ваўкавыска.
У апараце кіравання РУП «Гроднаэнерга» апошнім часам звольнілі «па ўласным жаданні» не менш за восем супрацоўнікаў. Аднак, па наяўнай інфармацыі, гэтыя звальненні адбываюцца пад ціскам — работнікаў пераконваюць пісаць заявы аб сыходзе, паведамляе Telegram-канал «Суды, задержания. Гродно и область».
Непаўналетняга жыхара Ваўкавыска асудзілі на год «хатняй хіміі» за здзек з дзяржаўнага сцяга. Верагодна, гаворка ідзе пра студэнта каледжа, які зрэзаў сцяг на даху.
Гэта затрыманы ў лістападзе 2024 года 16-гадовы падлетак, навучэнец каледжа. Ён чакаў прыяцеля ў пад’ездзе на апошнім паверсе, узламаў замок дзвярэй і выйшаў на дах. Убачыўшы сцяг, падлетак дастаў складны нож і зрэзаў яго, а дома схаваў у шафу. Супрацоўнікі ЖКГ заўважылі прапажу і звярнуліся ў міліцыю.
Гродзенец Сяргей Цераховіч працаваў на беларуска-польскай мяжы ў пункце пропуску «Брузгі». Зараз яму пагражае да 15 гадоў калоніі за «здраду дзяржаве». Агулам апошнія тры гады паводле гэтага артыкулу судзілі амаль 100 чалавек, з іх палову — у мінулым годзе.
Начальнік турмы № 1 Гродна Павел Казакоў пасля пратэстаў 2020 года трапляе ў навіны ў сувязі з накладаннем на яго санкцый. Але ў публічным полі пра яго інфармацыі мала. Рэдакцыя Hrodna.life разам з «Кіберпартызанамі» паглядзела на яго кар’еру.
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…
Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…
Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…