Дом на вуліцы Вялікая Траецкая, 23. Фота: Яндэкс Карты
Дом 1890 года пабудовы на Вялікай Траецкай, 23 чакаў рамонту 35 гадоў. Апошнія гады гараджане жылі ў складаных умовах: падлогі правальваліся, сцены абсыпаліся, а замест газаправода даводзілася карыстацца прывазнымі балонамі з газам. Пасля таго як рэдакцыя Hrodna.life распавяла аб праблеме, гродзенскі ЖКГ усё ж вырашыў адрамантаваць будынак.
Інфармацыя аб правядзенні капрамонту з’явілася на сайце дзяржзакупак.
Будаўнічы праект капрамонту дома на Вялікай Траецкай, 23 распрацуюць да 25 ліпеня 2025 года. Падрыхтоўка праекта абыдзецца ЖКГ у 23,4 тыс. руб.
Плануецца адрамантаваць фасады дома, узмацніць фундамент, замяніць кроквенную сістэму і пакрыццё даху. Таксама заменяць інжынерныя сеткі і абновяць электраабсталяванне будынка.
Раней адзін з жыхароў дома адзначаў, што да мясцовых уладаў звярталіся не аднойчы. Аднак выніку гэта не прынесла — уладальнікі кватэр меркавалі, што дом «хутчэй складзецца, чым яго адрамантуюць».
Таксама капітальны рамонт правядуць у доме 1887 пабудовы па вуліцы Маладзёжная, 9. Падрыхтоўка праекта абыйдзецца ў 16,1 тыс. руб. Падрыхтаваць праект павінны да 25 ліпеня 2025 года.
Чытайце таксама: Гродзенка паказала, як выглядае двор на Гогаля пасля капрамонту
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…