Адселеная казарма на Шчорса, 2 у 2018 г.
Амаль гатовая «каробка» аднаго з будынкаў, якія «Палесежылбуд» узводзіць на месцы знесеных аўтэнтычных казармаў канца XIX стагоддзя. Ужо можна ўявіць, як будзе выглядаць будучы жылы дом.
У другога дома гатовы фундамент, толькі пачалі ўзводзіць сцены.
Згодна з апошнім апублікаваным справаздачам АУНА, на Шчорса, 2 будзе 39 кватэр, на Шчорса, 4 — 52 кватэры. У кватэрах будуць столі вышынёй да 3,3 м. На цокальным паверсе размесцяць падземныя гаражы. Паміж дамамі абсталююць зону адпачынку і дзіцячыя пляцоўкі, а дадатковую паркоўку вынесуць за межы комплексу.
Першапачаткова царскія, або «Аляксандраўскія» казармы на Шчорса, 2 і 4 абяцалі рэканструяваць пад жыллё. Будынкі захаваліся амаль у першапачатковым выглядзе, што даволі рэдка для Беларусі. Іх прадалі з аўкцыёну ў 2022 годзе — з чацвёртай спробы і са зніжкай 80%. Казармы выкупіла брэсцкая будаўнічая кампанія ААТ «Палессежылбуд», якая вырашыла абсталяваць там элітнае жыллё клубнага тыпу.
Паводле першага варыянта праекта, аўтэнтычныя вокны збіраліся расшырыць і зрабіць панарамныя, насуперак гістарычнай адпаведнасці будынкаў XIX стагоддзя. Нязгода грамадства нічога не змяніла. Улетку 2023 года пачаліся будаўнічыя работы, а восенню 2023 года справаздачу АУНА аб перабудове казармаў зноў выставілі на абмеркаванне — будынкам вырашылі дабудаваць паверхі і павялічыць колькасць кватэр.
У выніку пасля праведзеных даследаванняў праект змянілі, і забудоўшчык вырашыў знесці будынкі. У сакавіку 2024 года амаль поўнасцю дэмантавалі першы 140-гадовы будынак. Пасля грамадскага рэзанансу забудоўшчык паабяцаў паспрабаваць умацаваць тое, што засталося, і «паглядзець, як будзе сябе паводзіць пры будаўніцтве».
Тым не менш, другі будынак таксама знеслі. У гарвыканкаме пацвердзілі законнасць зносу, а забудоўшчык патлумачыў яго тым, што цагліна сцен не вытрымае нагрузкі.
Ад аўтэнтычных будынкаў казармаў царскай эпохі захавалася толькі назва — жылы комплекс «Аляксандраўскі». Частку цэглы са старых пабудоў збіраліся выкарыстаць для дэкору дамоў.
Чытайце таксама:
Медыі ў выгнанні маюць абмежаваныя магчымасці зарабляць на рэкламе і прыцягваць партнёраў для сваіх праектаў. Калі ласка, падтрымайце нас, калі гэта для вас бяспечна.
Мы працягваем працаваць для гродзенцаў ва ўсім свеце дзякуючы вашай падтрымцы!
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…
Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…
Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…