Пра вынікі праверкі за абразу праўладнай актывісткі Вольгі Бондаравай блогерам і палітвязнем Вадзімам Ермашуком (Vadimati) паведаміў сам Вадзім у сторыс. Справу спынілі, бо не знайшлі доказаў, што пад «гродзенскай шлюхай» Вадзім меў на ўвазе Вольгу.
Навіну аб спыненні праверкі Вадзім даведаўся ад участковага, які ёй займаўся. Прычынай стаў недахоп доказаў. «Там няма яе імя, прозвішча, а яна гэта прыняла на сябе ўсё — што яна шлюха і шалава гродзенская, уяўляеце?».
Артыкул за абразу ў Беларусі прыбралі з Крымінальнага кодэкса. Цяпер за яе пагражае адміністрацыйная адказнасць. Пад абразай разумеюць наўмыснае прыніжэнне гонару і годнасці асобы, выказанае ў непрыстойнай форме. За гэта паводле арт. 10.2 КаАП пагражае штраф або арышт.
Вадзім папрасіў перадаць навіну Вользе і паабяцаў пры сустрэчы абас*аць яе.
Вядома, што Вадзім таксама падаваў заяву ў міліцыю на Бондараву за абразу — органы не адрэагавалі.
Гродзенскі блогер і былы палітвязень Вадзім Ермашук адбыў тры гады калоніі і пакінуў Беларусь. Да ад’езду ён перанёс некалькі аперацый з-за анкалогіі і паспеў папрацаваць на «Кароне». Яго акаўнт у Instagram прызналі экстрэмісцкім.
Чытайце таксама: Блогер Вадзімаці расказаў, як яго выціснулі з Беларусі і пры чым тут Бондарава
