У папярэднім бары Los Amigos. Крыніца: Instagram
Уладальнікі мексіканскага бара Los Amigos, закрытага ў 2023 годзе, адкрываюць новую ўстанову. Яны захавалі канцэпцыю і нават знакаміты дыван. Новы бар — спадчыннік таго самага першага ў Гродне мексіканскага бара «Амигос» на Баторыя.
Бар адкрываецца ў пятніцу, 13 снежня, у 19:00. Новае месца апынулася недалёка ад старога — на Калючынскай, 12, па суседстве з кавярняй «Вкус искусства». Раней гэтае памяшканне займаў бар Cloud.
Акрамя адрасу змянілася назва — з Los Amigos на Tres Amigos. У бары захавалі канцэпцыю мексіканскай кухні і антуражу: абяцаюць тэкілу, кесадыллю і бурыта. Адна са сцен аранжавая, там жа аказаўся і дыван, які некалькі гадоў правісеў у дворыку па старым адрасе бара.
Адзін з падпісантаў мексіканскага бара ў Instagram назваў яго адраджэнне «найлепшай навіной за снежань». У дзень адкрыцця Tres Amigos там адкрываецца і выстава работ гродзенскай мастачкі Дзіны Бельскай.
Чытайце таксама: Як Калючынская не стала тусовачнай вуліцай: чаму жыхары супраць бараў
Бар Los Amigos адкрыўся ў пачатку 2020 года на Урыцкага, 26 і прапрацаваў там больш за тры гады. Акрамя мексіканскага меню ў бары быў адпаведны антураж, наведвальнікі фатаграфаваліся ў самбрэра і понча, унутраны дворык таксама быў аформлены, там ладзілі мерапрыемствы.
У траўні 2022 года бар закрываўся: праз пазыкі арэндадаўца закрыў уладальнікам бара доступ у памяшканне. Грошы на арэнду збіралі ў тым ліку сярод кліентаў бара праз дэпазіты і праз данаты з дапамогай іншых гродзенскіх бараў. Праз месяц бар адкрыўся зноў.
Канчаткова (аказалася, не) бар закрыўся ў чэрвені 2023 года. Тады ўладальнікі не назвалі прычыны, але незадоўга да гэтага бар затапіла зверху. 25 чэрвеня наладзілі развітанне з дываном, на фоне якога многія фатаграфаваліся. Праз год у памяшканні былога бара адкрылася кафэ «У Груши».
Да Los Amigos ва ўладальніка бара было невялікае кафэ «Пад носам» з пітнымі супамі. Яно адкрылася ў 2018 на Леніна, 14 і прапрацавала крыху больш за год. А перад гэтым, з 2014, — першы мексіканскі бар на Стэфана Баторыя, 8Б, які называўся проста «Амигос». Таму новы бар на Калючынскай сапраўды Tres (трэці — ісп.)
Міліцыя вылічыла гродзенца, які скраў частку навагодняй інсталяцыі ў выглядзе ног Дзеда Мароза. Выяўлена, што…
Праект ужо працуе ў пілотным рэжыме, але пакуль заказ і дастаўка тавараў дамоў даступны толькі…
Працоўная назва адроджанага комплекса былога піўзавода — «Гроднабровар». Але інвестар лічыць, што прыйшоў час вызначыцца…
У сярэдзіне снежня гродзенцы заўважылі на небе вясёлку. Як адзначаюць спецыялісты, у зімні перыяд гэта…
У гродзенскім заапарку новы жыхар - міжземнаморскі гекон. Яшчарка трапіла ў заапарк незвычайным спосабам —…
Пра вынікі праверкі за абразу праўладнай актывісткі Вольгі Бондаравай блогерам і палітвязнем Вадзімам Ермашуком (Vadimati)…