Рэндэр праекта па добраўпарадкаванні набярэжнай Нёмана. Фота: "Пул 4 Рэгіён"
На набярэжнай можа з’явіцца воднае таксі, скейтпарк, вадзяны млын і сетка кафэ. Такія ідэі агучылі старшыні Гродзенскага аблвыканкама Уладзіміру Караніку падчас рабочай нарады па добраўпарадкаванні набярэжнай.
Тэрыторыю ад былога піўзавода да Старога замку хочуць асучасніць, зрабіўшы там двухузроўневыя пешаходныя сцежкі і сетку кафэ. Таксама тут плануюць пабудаваць развадны пешаходны мост да сквера па вуліцы Леванабярэжнай, паведамляе Telegram-канал «Пул 4».
Мяркуецца, што побач са скверам з’явяцца паркоўкі, каб людзі маглі пакінуць аўто і, перайшоўшы Нёман, аказацца ў гістарычнай частцы горада.
Востраў ля Паповічскага моста таксама плануюць добраўпарадкаваць. Сярод магчымых варыянтаў: прычал для воднага таксі, скейтпарк і пляцоўкі для экстрэмальных відаў спорту. На востраве хочуць абсталяваць вадзяны млын, а частку тэрыторыі адвесці пад месцы для заняткаў ёгай.
Побач з Каложскай царквой можа з’явіцца назіральная пляцоўка, пляцоўкі для адпачынку і лаўкі рамеснікаў.
Мясцовыя ўлады спрабуюць добраўпарадкаваць набярэжную Нёмана ўжо некалькі гадоў запар. У 2019 годзе распрацавалі праект па добраўпарадкаванню тэрыторыі ад вусця Гараднічанкі да Новага маста, аднак грошай на яго рэалізацыю не знайшлося.
У 2023 годзе аблвыканкам абвясціў конкурс на лепшы праект па добраўпарадкаванню набярэжнай — паўдзельнічаць у ім маглі як архітэктары, так і звычайныя грамадзяне.
Аднак у лютым 2024 года стала вядома, што что вызначыць пераможцу так і не змаглі. У конкурсе паўдзельнічалі 23 гродзенца. Але, па словах старшыні Гродзенскага гарвыканкама Андрэя Хмеля, ніводны з дасланых праектаў не адпавядаў умовам.
Варыянты, якія даслалі гродзенцы, планавалі закласці ў аснову праектавання набярэжнай. Яе хочуць адкрыць да 900-годдзя Гродна ў 2028 годзе.
Чытайце таксама: Набярэжная, за якую нам сорамна. Чаму бераг Нёмана да гэтага часу не добраўпарадкаваны?
Гродзенка Ганна паскардзілася ў TikTok, што ў мікрараёне Вішнявец няма ўстаноў харчавання. Па словах дзяўчыны,…
Міліцыя вылічыла гродзенца, які скраў частку навагодняй інсталяцыі ў выглядзе ног Дзеда Мароза. Выяўлена, што…
Праект ужо працуе ў пілотным рэжыме, але пакуль заказ і дастаўка тавараў дамоў даступны толькі…
Працоўная назва адроджанага комплекса былога піўзавода — «Гроднабровар». Але інвестар лічыць, што прыйшоў час вызначыцца…
У сярэдзіне снежня гродзенцы заўважылі на небе вясёлку. Як адзначаюць спецыялісты, у зімні перыяд гэта…
У гродзенскім заапарку новы жыхар - міжземнаморскі гекон. Яшчарка трапіла ў заапарк незвычайным спосабам —…