Мадэль самалёта EW-62618. Фота ілюстрацыйнае. Крыніца: russianplanes.net
Гродзенская авіякампанія распрадае самалёты — на таргі выстаўлена пяць «кукурузнікаў». Раней планавалася, што на базе гродзенскага аэрапорта створаць буйную кампанію, якая зможа канкурыраваць з «Белавія». Аднак у апошнія гады кампанія працавала ў страту. На самалёты, выстаўленыя на аўкцыён, звярнула ўвагу Blizko.by.
На таргі выстаўлена пяць самалётаў кампаніі з рэгістрацыйнымі знакамі EW-62 618, EW-84 727, EW-43 952, EW-7 428, EW-33 583. Усе пяць — біпланы Ан-2, так званыя «кукурузнікі», выпушчаныя з 1973 па 1988 гады. Яны ўкамплектаваны рухавікамі і вінтамі. Лоты знаходзяцца на тэрыторыі гродзенскага аэрапорта.
Цэны на самалёты ўстаноўлены ў памеры ад 69 360 да 83 760 руб. Таксама за дадатковую суму — стартавая цана 47 760 руб. — можна купіць яшчэ адзін рухавік АШ-62ІР.
Таргі па кожным лоце асобна адбудуцца 30 снежня 2024 года.
У сярэдзіне 2010-х гадоў ва ўладаў паўстала ідэя стварыць на базе авіякампаніі «Гродна» другую буйную беларускую авіякампанію. Гэта павінен быў быць лоўкостар, які складзе канкурэнцыю «Белавія» і дапаможа развіваць гродзенскі аэрапорт. У ліпені 2019 года ў Беларусі нават прынялі канцэпцыю развіцця рэгіянальных аэрапортаў.
Аднак у лістападзе 2021 года пад Іркуцкам разбіўся грузавы самалёт Ан-12 авіякампаніі «Гродна». На борце знаходзіліся сем чалавек, у тым ліку адзін гродзенец — усе загінулі. Пасля гэтага авіякампанія «Гродна» прайграла суд Дарожнай службе Іркуцкай вобласці. Суд прызнаў яе абавязанай выплаціць 45,3 тысячы рублёў за дастаўку грузу і спецтэхнікі да месца крушэння самалёта.
З-за санкцый, накладзеных на Беларусь у 2021 годзе і Расію ў 2022, у паветранай прасторы краіны перасталі лётаць самалёты. Гродзенскі аэрапорт прастойваў.
У ліпені 2023 стала вядома, што авіякампанія распрадае свае самалёты з-за даўгоў. Згодна са справаздачай, дзейнасць кампаніі за апошнія два гады прыносіла толькі страты. А ў пачатку 2024 года авіякампанію «Гродна» рэарганізавалі і вырашылі далучыць да «Белавіа».
На Карла Маркса, 10 адкрылася чайхана «Халяль» — першае ў Гродне кафэ са стравамі з…
6 лістапада 2024 года прадпрыемства "Белрэстаўрацыя" ўнеслі ў Спіс пастаўшчыкоў (падрадчыкаў, выканаўцаў), якія часова не…
Сяргея Чабоцьку судзілі 22 лістапада ў судзе Ленінскага раёна Гродна за распаўсюд экстрэмісцкіх матэрыялаў (арт.19.11…
Жыхары Слоніма ў сацыяльных сетках скардзяцца, што запісацца да стаматолага складана, а прыёму даводзіцца чакаць…
Пляж вадасховішча Юбілейнага ў Гродне чакае мадэрнізацыя. З маштабных змяненняў - гульнявы пляж для дзяцей…
У судзе Ленінскага раёна Гродна судзяць Алега Жугжду. Верагодна, гэта галоўны рэжысёр Гродзенскага абласнога тэатра…