У музеі "Лідскага піва". Фота: Hrodna.life
Прадстаўніка ААТ «Лідскае піва» паклікалі ў суд Лідскага раёна. Там 30 кастрычніка разглядаюць справу паводле арт. 22.8 КаАП «Cамавольнае будаўніцтва».
Вядзе працэс суддзя Аляксандр Мішураў.
У канцы мінулага года Міністэрства культуры спагнала з прадпрыемства 7 866 150 рубля і 94 капейкі праз эканамічны суд Гродзенскай вобласці. Гэта адлічэнні за прадпрымальніцкую дзейнасць, якая нібыта аказвае ўздзеянне на ахоўныя зоны аб’екта гісторыка-культурнай спадчыны. Частка завода — помнік прамысловай архітэктуры XIX стагоддзя.
Пры разглядзе гэтай справы гаварылі аб стварэнні дадатковых збудаванняў на тэрыторыі завода, у тым ліку — узвядзенне бакаў, металічных трубаправодаў. Магчыма, яны і сталі прычынай актуальнага разбору.
«Лідскае піва» — піваварная кампанія, якая належыць фінскай кампаніі «Olvi». Выпускае 20 відаў піва, уключаючы крафт, а таксама ліманады, сідр, квас і ваду. У 2022 годзе на тэрыторыі завода — у тым самым гістарычным будынку, аб якім дбае Мінкульт — адкрыўся музей піваварства.
Пасля пачатку вайны ва Украіне кампанія Olvi абвясціла аб спыненні экспарту сваіх прадуктаў у Расію і выхадзе з бізнэсу ў Беларусі. Продажы «Лідскага піва» перашкодзіла тое, што прадпрыемства ўнеслі ў спіс актываў, на продаж доляй у якіх замежным уласнікам патрэбны дазвол беларускіх уладаў.
Тралейбус №187 возіць пасажыраў па Гродне ўжо 35 гадоў і толькі часам перарываецца на рамонт.…
На продаж выставілі сетку кафэ MyLoverBerry. Адна з трох устаноў знаходзіцца ў Гродне - менавіта…
Аўтары петыцыі абураныя міжнароднай узнагародай праекта жылога комплексу «Аляксандраўскі» на месцы знесеных царскіх казармаў XIX ст.…
За мінулы тыдзень сярэдняя цана кватэры ў Гродне вырасла на 0,5% і склала $844 за…
Тэрасы з'явяцца ў аднаго з дамоў, які будуецца на тэрыторыі былога ваеннага гарадка на Фолюшы.…
У Гродне выступіць Ілля Шынкарэнка — малады музыка, які набыў папулярнасць дзякуючы свайму беларускамоўнаму TikTok.…