Праект жылога комплексу «Аляксандраўскі», які рэалізуецца на месцы знесеных царскіх казармаў у Гродне, атрымаў дыплом I ступені на міжнародным архітэктурным конкурсе МАСА. Ён прайшоў у Ерэване з 10 па 12 кастрычніка, паведамляе «Вячэрні Гродна».
ЖК «Аляксандраўскі» ад брэсцкага забудоўшчыка «Палессежылбуд» адзначылі ў намінацыі «Будынкі і збудаванні».
Праект рэалізуецца ў рамках рэканструкцыі былых царскіх казармаў XIX стагоддзя на вуліцы Шчорса ў Гродне. Першапачаткова планавалася, што казармы рэканструююць пад сучасныя аб’екты, захаваўшы іх знешні выгляд.
Да вясны 2024 года будынкі былых ваенных казармаў захаваліся ў арыгінальным выглядзе і лічыліся аднымі са старэйшых ваенных гарадкоў на тэрыторыі Беларусі. Нягледзячы на гэта, іх усё роўна знеслі, аргументаваўшы тым, што яны знаходзіліся ў аварыйным стане і не падлягалі аднаўленню.
Па тэме: Ці можна было захаваць царскія казармы на Шчорса?
На месцы былых казармаў плануюць пабудаваць два шматкватэрныя дамы і аўтамабільныя стаянкі для жыхароў ЖК «Аляксандраўскі».
Конкурс «МАСА», дзе праект брэсцкага забудоўшчыка ўзяў гран-пры, ладзіцца з 2018 года. У беларускіх дзяржаўных медыя гэты конкурс характарызуюць як «міжнародны і прэстыжны». Яго актыўна прасоўвае Саюз архітэктараў Беларусі, рэгулярна публікуючы інфармацыю аб падачы заявак на ўдзел у МАСА.
У гэтым годзе фінал конкурсу прайшоў у Ерэване. Сярод праектаў, якія атрымалі розныя гран-пры, ёсць некалькі з Беларусі, а таксама з Сербіі, Таджыкістана, Узбекістана, Арменіі і Расіі.
Чытайце таксама: Якія праекты па аднаўленню гістарычных будынкаў перамагалі ў Гродне
Працэс за распаўсюд экстрэмісцкіх матэрыялаў над уладальнікам сайта s13.ru Сяргеем Чабоцькам прайшоў 25 кастрычніка. Ён…
Матэрыялы інтэрнэт-рэсурсу s13 прызналі экстрэмісцкімі па заяве пракурора горада Гродна. Пра гэта паведамілі ў праўладных…
Міжнароднае грамадскае аб'яднанне "Палітра Свету" ліквідуюць у Гродне. Яно заснавана ў беларускім рэгіёне і прапрацавала…
Новая кавярня адкрылася па адрасе Вялікая Траецкая, 23. Ва ўстанове праводзяць дэгустацыі гарбаты і кавы,…
На магіле гродзенца Міхаіла Шавельскага ўсталявалі помнік. У 2020-м годзе яго адлічылі з Гродзенскага дзяржаўнага…
Там можна будзе вучыць кітайскую мову і вывучаць культуру. Студэнты і супрацоўнікі змогуць ездзіць у…