На адным з сельскагаспадарчых прадпрыемстваў Навагрудскага раёна 27 верасня адбылася трагедыя: загінуў 52-гадовы працоўны. Ён быў у кузаве аўтамабіля, калі на яго абрынулася сцяна кароўніка.
Работнікі латалі ямы ў падлозе кароўніка. Адзін з іх быў у кузаве МАЗа і скідаў адтуль асфальт. У працэсе работ, калі кіроўцы не было ў кабіне аўтамабіля, МАЗ самаадвольна паехаў наперад і бортам зачапіў вароты і сцяну будынка, расказалі ў Следчым камітэце.
Сцяна пачала разбурацца — проста на чалавека, які быў у кузаве. Ён атрымаў цялесныя пашкоджанні. Калегі адразу выклікалі хуткую дапамогу. Нягледзячы на намаганні медыкаў, пацярпелы памёр на месцы.
Па дадзеных следства, аўтамабіль пакаціўся наперад праз тое, што каробка перадач была на другой перадачы, а ручнік стаяначнага тормазу не быў зацягнуты. Сведкі расказалі, што пасля таго, як МАЗ пакаціўся, ён рухаўся рыўкамі.
Следчы камітэт распачаў крымінальную справу супраць 50-гадовага кіроўцы — за прычыненне смерці па неасцярожнасці (арт. 144 Крымінальнага кодэкса Рэспублікі Беларусь). Зараз мужчыне пагражаюць папраўчыя работы на тэрмін да двух гадоў, ці абмежаванне волі на тэрмін да трох гадоў, ці пазбаўленне волі на той жа тэрмін.
Два гады таму падобны выпадак здарыўся ў Ашмянах — там жанчыну заціснула абломкамі сцяны збожжасклада і збожжам. Жанчына засталася жывая: калі прыехалі ратавальнікі, яна скардзілася на абцяжаранае дыханне і боль у нагах.
А вось працаўнік свінакомплексу ў Лиде ў 2019 годзе не выжыў. Там кіроўца аўтамабіля МАЗ даставіў у Едкі, на тэрыторыю свінакомплексу «Прагрэс» ААТ «Лідахлебапрадукт», камбікорм, і пашкодзіў будынак склада. Паднятай платформай аўтамабіля ён закрануў перамычку брамы, і яна разам з часткай сцяны склада абрынулася вонкі. 50-гадовы грузчык свінакомплексу, які знаходзіўся каля будынка, быў смяротна траўміраваны.
Каля 2 мільёнаў дрэў высадзяць у Гродзенскай вобласці гэтай восенню. Дрэвы будуць садзіць у рамках…
ТАА "МЭЙКАПЛАБ", якім валодае гродзенская блогерка Кацярына Казакевіч, падало пазоў супраць управы Дэпартамента фінансавых расследаванняў…
Парфюм-бар "Люстра" адкрыецца ў Гродне на вул. Будзёнага, 30. У асартыменце будуць прадстаўлены водары з…
Маладое дрэўца высадзілі каля Факультэта біялогіі і экалогіі ГрДУ імя Янкі Купалы. Гэта другая такая…
З пачатку 2024 года ў Гродне замянілі 2100 свяцілень з ртутнымі і натрыевымі лямпамі на…
Лаўрэат Нобелеўскай прэміі па фізіялогіі і медыцыне Віктар Амброс мае беларускія карані. Пра гэта напісалі некаторыя беларускія…