87 вакансій у Гродзенскай вобласці прапануюць вызваленым з месцаў адбыцця пакарання ў выглядзе пазбаўлення волі на пэўны тэрмін. Рэдакцыя Hrodna.life паглядзела, якія там умовы і колькі на іх гатовыя плаціць.
Варта адзначыць, што гэта не азначае, што былы вязень не зможа ўладкавацца ў іншае месца. Але менавіта гэтыя вакансіі прапануюць на сайце Цэнтра занятасці.
Праца для былых зняволеных
- Кіроўца аўтамабіля на “Гродзенскай птушкафабрыцы” ў Капцёўцы — 1000 — 1600 рублёў. Шукаюць восем чалавек.
- Аператар жывёлагадоўчых комплексаў і механізаваных ферм у ВК імя У.І. Крамко ў Квасоўцы — 1500 — 2300 рублёў. Ёсць тры вакансіі.
- Жывёлавод у СВК “Зарэчны-Агра” ў аг. Лойкі Сапоцкінскага сельсавета, — 1000 – 2000 рублёў. Шукаюць 11 чалавек.
- Падсобны рабочы ў дзяржаўнай лесагаспадарчай установе “Астравецкі лясгас” — 626-700 рублёў.
- Трактарыст у Астравецкім РУП ЖКГ – 820-984 рублёў.
- Палявод У СВК імя І.П. Сянько — 735 рублёў. Працаўладкуюць тры чалавекі.
- Свінавод У СВК імя Дзеньшчыкава ў Луцкаўлянах – 1500-2500 рублёў. Патрэбныя два чалавекі.
- Апрацоўшчык птушкі на “Скідзельская птушкафабрыка” ў Скідзелі за 1800 – 2200 рублёў. Тут прымуць аж 57 чалавек.
- Жывёлавод у КСУП “Гальшаны” — 1200 — 1400 рублёў.
Усіх шукаюць на стаўку.
Праблема ёсць
Раней пракуратура выявіла, што АУС Гродзенскай вобласці не перадавалі інфармацыю аб вызваленых у органы па працы, занятасці і сацыяльнай абароне і цэнтры сацыяльнага абслугоўвання насельніцтва па пытаннях працоўнай і сацыяльнай рэабілітацыі асоб. Праца ўладаў зводзілася да правядзення фармальных пасяджэнняў.
Чытайце таксама: Колькасць вакансій у Гродне за паўтара года вырасла ўдвая. Больш за палову зараз — працоўных прафесій
