Фрэзераванне асфальта ў Гродне. Фота ілюстрацыйнае: AutoGrodno
У гродзенскі «Рамбудаўтадар» купілі сучаснае абсталяванне кітайскай вытворчасці для здымання дарожнага пакрыцця.
Фрэза зроблена «па тэхналогіі самых прасунутых фірм Германіі і Швецыі», піша канал газеты «Перспектыва». Мадэль фрэзы не ўдакладняюць, але адзначаюць, што пакупка дарагая.
Раней такой тэхнікі не было ні ў адной спецыялізаванай дарожнай арганізацыі Гродна і Гродзенскага раёна. Для правядзення работ яе бралі ў арэнду ў Мінску і іншых гарадах. КУП «Гроднааблдарбуд» наймала такую фрэзу таксама для пракладкі дарогі ў бок Аўгустоўскага канала.
Рамонт дарог у Гродне стрымліваўся, бо ўчасткі магістраляў трэба спачатку адфрэзаваць, вывезці гранулят, і толькі потым наносіць новае дарожнае палатно. Новая тэхніка дапаможа «Рэмбудаўтадар» паскорыць добраўпарадкаванне горада і рамонт магістраляў і дарог, якія пацярпелі ад непагадзі.
У верасні ва УЖРЭП Ленінскага раёна Гродна з’явілася шматфункцыянальная газонакасілка. Мадэль, набытая для Гродна, падобная да CAIMAN Comodo Max 2WD HD 107D2K2. На сайце вытворцы такая каштуе больш за $ 13,8 тыс.
Таксама ў горадзе нарэшце з’явіўся падводны пыласмок. З яго дапамогай будуць чысціць фантаны ад смецця. Раней гэта рабілі ўручную, на кожны фантан ішло да пяці дзён. Гродзенцаў здзівіла, што пыласмок купілі толькі зараз: на ozon.by ён каштуе 200−300 рублёў.
На вуліцы Савецкай у Гродне на месцы "Дзіцячага свету" адкрылі бар "На Луне". Мяркуючы па…
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…