Навіны

У новым доме на Савецкіх Пагранічнікаў ужо з’явіліся расколіны і шчыліны. Як адрэагаваў забудоўшчык?

Жыхары ЖК «Купальскі» на вуліцы Савецкіх Пагранічнікаў, 57 яшчэ не паспелі засяліцца ў свае новыя кватэры, а ўжо сутыкнуліся з праблемамі. Узніклі пытанні па якасці прац, аконнай фурнітуры, выкарыстаных матэрыялаў для фасада, а таксама па ліфтах. Забудоўшчык сцвярджае, што ўсе недахопы вырашаюцца.

Гэта не першы выпадак з праблемамі ў ЖК «Купальскі» — раней канфлікт узнік з-за парковачных месцаў, якія прадаюцца за $ 2000.

Завалілі сцены і ўсталявалі падрапаныя шклопакеты

Каля 70% з больш чым 300 кватэр у комплексе ўжо прададзены, кажуць жыхары. Тыя, хто ўжо засяліліся, адзначаюць праблемы, ігнараваць якія немагчыма, паведамляе Newgrodno.by.

Адной з асноўных праблем называюць вокны: падрапаныя шклопакеты, няроўныя падаконнікі, збітыя завесы, а ў некаторых кватэрах — шчыліны, праз якія відаць вуліцу.

— «Гарбатасць» падаконнікаў абумоўленая вельмі танным палатном. Шклопакет неблагі, але фурнітура, са слоў людзей, якія ў гэтым разумеюць, выкарыстоўвалася самая танная. Наўрад ці яна праслужыць доўга, — распавядаюць жыхары.

Таксама жыхары незадаволены якасцю чарнавога аздаблення. Па іх словах, у кватэрах адсутнічаюць роўныя куты, сцены крывыя, а ў сцяжцы выяўлены расколіны.

Усталяванае акно ў ЖК «Купальскі». Фота: Newgrodno.by Усталяванае акно ў ЖК «Купальскі». Фота: Newgrodno.by Усталяванае акно ў ЖК «Купальскі». Фота: Newgrodno.by
Усталяванае акно ў ЖК «Купальскі». Фота: Newgrodno.by

Замест керамаграніту на фасадзе — імітацыя кладкі з кардона

Прэтэнзіі тычацца і якасці месцаў агульнага карыстання. Жыхары лічаць, што забудоўшчык зэканоміў на матэрыялах. Напрыклад, замест турэцкіх ліфтаў устанавілі ліфты беларускай вытворчасці. У новым доме ўжо пачалі іржавець ручкі і замкі на дзвярах, а тратуарная плітка ў двары трэскаецца. Акрамя таго, адсутнічае ліўневая каналізацыя, з-за чаго дажджавая вада сцякае ў паркінг.

Усталяваны ліфт у ЖК «Купальскі» Фота: Newgrodno.by
Шчыліны ў плітцы ў ЖК «Купальскі» Фота: Newgrodno.by

Фасады дома павінны былі абліцаваць керамагранітам, але замест гэтага выкарыстоўвалі імітацыю цэглы з кардона.

Ліфт у ЖК «Купальскі». Фота: Newgrodno.by
Фасад дому на вуліцы Савецкіх Пагранічнікаў. Фота: Newgrodno.by

«На дамафон, як высветлілася, мы таксама не заслугоўваем. Хаця на справе дэкларавалася іншае. Не пакідае адчуванне, што на жыхарах у нейкі момант вырашылі моцна зэканоміць», — скардзяцца жыхары.

Забудоўшчык: «Недахопы ліквідуюцца»

Забудоўшчык ЖК «Купальскі» — мінская фірма «Айрон» — адказваючы на ​​запыт журналістаў, заявіў, што «на дадзены момант праводзяцца работы па ліквідацыю заяўленых недахопаў».

«Айрон» падзяляе прэтэнзіі жыхароў на дзве катэгорыі. Першая тычыцца недахопаў унутры кватэр, якія фіксуюцца ў акце агляду пры прыёмцы кватэры.

«Па дадзеным акце мы абавязаныя ліквідаваць недахопы, пазначаныя пакупніком, на працягу 30−60 дзён. На сённяшні дзень не было выпадкаў, па якіх бы мы адмовіліся ці не выканалі абавязальніцтвы перад кліентам», — тлумачыць забудоўшчык.

Што тычыцца месцаў агульнага карыстання, прэтэнзіі да іх фіксуюць у асобным акце агляду паміж прадстаўніком забудоўшчыка і старшынёй таварыства ўласнікаў. Гэты акт склалі і падпісалі 17 верасня 2024 года і ўжо прынялі ў працу.

Забудоўшчык таксама адзначыў выпадкі «наўмыснага псавання маёмасці жыхарамі і іх гасцямі».

«Магчыма, самым дзіўным было, калі маёмасць псавалася дзіцем у прысутнасці дарослых і пры іх поўнай абыякавасці. Разумеем, што культура карыстання, асабліва нечым новым, толькі фарміруецца. Разам з магчымасцямі фарміруецца і адказнасць», — адзначыў забудоўшчык.

Аб праблемах у новым ЖК жыхары заяўлялі і раней

Яшчэ адной прычынай канфлікту паміж жыхарамі і забудоўшчыкам сталі парковачныя месцы. Гродзенцы абурыліся, што забудоўшчык на этапе будаўніцтва і продажу кватэр не паведамляў, што паркоўка каля дома будзе платнай. Першапачаткова размова ішла толькі аб платнай падземнай паркоўцы.

Па тэме: Гродзенцы абурыліся з-за паркоўкі каля адной з новабудоўляў — $ 2000 за месца

Зараз парковачныя месцы прадаюцца за $ 2000. Вакол дома ўстанавілі шлагбаўмы, якія таксама не спадабаліся некаторым. Але жыхары дабіліся іх дэмантажу.

Падзяліцца

Апошнія запісы

З Томінскага лесу два тыдні ішоў непрыемны пах. Гродзенцы высветлілі, хто за гэтым стаіць

Жыхары вуліц Пестрака, Перамогі і Пучкова звярнулі ўвагу на непрыемны пах. Ён быў настолькі моцным,…

26 верасня 2024

Працуе з дому і любіць свой горад за ўтульнасць і цішыню: стварылі партрэт сярэдняга айцішніка — ён аказаўся гродзенцам

Сярэдні айцішнік з рэгіёнаў Беларусі аддае перавагу працы з дому, займае пазіцыю распрацоўшчыка і ацэньвае…

26 верасня 2024

Блогер Vadimati пасля вызвалення знайшоў працу на рынку «Карона». Улады прапаноўвалі яму «гауно вазіць»

Былы палітвязень і блогер Вадзім Ермашук уладкаваўся працаваць у краму жаночага адзення на рынку «Карона».…

26 верасня 2024

«Нагадвае халву». Дзе ў Гродне пакаштаваць дубайскі шакалад

"Хайповы" дубайскі шакалад дайшоў да Гродна. Дзе яго шукаць у нашым горадзе, распавялі ў TikTok.…

26 верасня 2024

У гродзенскага гісторыка Мечыслава Супрона выйшла кніга казак

Кніга «Залатое зерне: казкі» выйшла ў выдавецтве «Gutenberg Publisher». У зборнік увайшло 10 аўтарскіх казак…

26 верасня 2024

У Гродне адкрыюць яшчэ адну амбулаторыю

Новую амбулаторыю абяцаюць адкрыць на Фолюшы 6 лістапада. Яна разлічана на 70 наведванняў за змену.…

25 верасня 2024