Інсталяцыя кавальскага дворыка на Маркса, 11. Фота: "Вячэрні Гродна"
Мантаж фотазоны завяршылі ў дворыку на Маркса, 11. Яшчэ год таму там устанавілі фігуркі каваля і яго памочніка, а напярэдадні сёлетняга Дня горада дадалі драўляных жывёл: коняў, сабаку і ката. Застаўся апошні этап работы над інсталяцыяй — яе мастацкае афармленне, паведамляе «Вячэрні Гродна».
Фотазона ўяўляе кавальскі двор у мініяцюры. Акрамя драўляных фігур тут ёсць цагляная печ, а сцяна ўпрыгожана кавальскімі вырабамі.
Інсталяцыя інтэрактыўная — на аднаго з конікаў можна забірацца, каб зрабіць фотаздымак, а для зручнасці ўсталявалі спецыяльную прыступку.
Далейшым афармленнем і роспісам фігур будуць займацца гродзенскія мастакі.
Побач з фотазонай знаходзіцца самы вялікі мурал у Гродне, які прысвечаны гісторыі горада. Але ёсць нюанс. Каб пабачыць і сфатаграфаваць мурал і інсталяцыю разам, трэба адысці далей. І тады можна ўперціся ў смеццевыя бакі, што стаяць побач.
Летась, адразу пасля адкрыцця мурала, супраць яго выказаліся шэраг беларускіх прапагандыстаў. Мурал захавалі, але праз некалькі месяцаў перамалявалі постаць святога Губерта — яго «паднялі з кален».
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…
Будаўніцтва вядзецца на ўчастку па вуліцы Дубко. Новы дом з’явіцца насупраць ГЦ Old City побач…
У жніўні ў сядзібе Пуслоўскіх у Слоніме пачаўся рамонт. Ужо паспелі зняць стары асфальт перад…
Гродна і вобласць у супрацоўніцтве з расійскім горадам Курган можа развіваць адразу некалькі сфер: турызм,…