Фітнэс-зала. Фота t.me/kgk_oficial
Прадпрымальнік заснаваў у Гродне і Мінску сетку фітнэс-клубаў. Каб пазбегнуць выплаты падаткаў, ён раздрабіў бізнэс на некалькі частак. За тры гады мужчына недаплаціў больш за паўмільёна рублёў і патрапіў пад увагу дзяржкантролю. Hrodna.life паспрабаваў высветліць, якія фітнэс-клубы належылі бізнэсмэну.
Супраць прадпрымальніка ўзбуджана крымінальная справа УДФР Гродзенскай вобласці. Падчас ператрусаў супрацоўнікі Камітэта дзяржнаўнага кантролю (КДК) канфіскавалі дакументы і чарнавыя запісы, якія ўказвалі на супрацьпраўную дзейнасць уладальніка сеткі фітнэс-клубаў.
Згодна з імі, мужчына раздрабіў бізнэс, каб выплачваць падаткі па спрошчанай схеме. Вядома, што ў Мінску мужчына дадаткова зарэгістраваў пяць падкантрольных кампаній. Паміж імі ён фіктыўна размяркоўваў выручку, якую атрымліваў ад асноўнай фірмы.
За тры гады драблення бізнэсу арганізацыя недаплаціла больш за 580 тыс. рублёў у кошт падаткаў, паведамілі ў КДК.
На маёмасць падазраванага накладзены арышт, ідзе папярэдняе следства.
На здымках, апублікаваных КДК, бачна назва сеткі фітнэс-клубаў у Мінску — гэта спартыўныя залы «Gym 24».
Як і адзначалася ў матэрыялах справы, усяго залаў пяць. Частка з іх знаходзяцца ў цэнтры горада, астатнія — у спальных раёнах.
Першы «Gym 24» адкрыўся ў 2018 годзе. Тады ён уражваў сваёй тэхналагічнасцю: абанемент набываўся выключна анлайн, трапіць унутр залы можна было праз біяметрыю — спецыяльныя ўстанова сканавала пальцы наведвальнікаў. Адзначыўся першы зал і тым, што ён працаваў кругласуткава.
Інвестарамі «Gym 24» сталі бізнэсмэны з Літвы — Аданіс Грыгаравічус і Арвідас Рэпшас.
Падчас адкрыцця апошняга філіяла на Машэрава 17/3 у 2023 годзе супрацоўнікі адзначалі — інвестыцыі ў новы зал «можна ацаніць у $ 350 тысяч долараў».
Hrodna.life паспрабаваў высветліць, якія фітнэс-клубы належылі бізнэсмэну ў Гродне, але адпаведнай інфармацыі не знайшоў.
Чытайце таксама: Гродзенскі бізнэсовец Віктар Рукша выйшаў на волю
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…