Юрый Карняловіч - новы дырэктар тэлерадыёкампаніі "Гродна". Скрыншот відэа тэлеканала "Беларусь 4 Гродна"
Загадчыка карэспандэнцкага бюро Агенцтва тэленавін Белтэлерадыёкампаніі ў Гродзенскім рэгіёне Юрыя Карняловіча прызначылі дырэктарам тэлерадыёкампаніі «Гродна». Новага кіраўніка прадставіў 24 ліпеня старшыня «Белтэлерадыёкампаніі» Іван Эйсмант.
Юрый Карняловіч у 2002 годзе скончыў Гродзенскі дзяржаўны ўніверсітэт імя Янкі Купалы. Быў рэдактарам ТРК «Гродна», карэспандэнтам СТБ.
Да прызначэння Карняловіча абавязкі дырэктара выконваў галоўны інжынер Уладзімір Жудро.
З 2008 па 2024 гады дырэктарам «Тэлерадыёкампаніі «Гродна» быў Мікалай Мельячэнка. Але ў студзені 2024 года дадзеныя аб ім раптам зніклі з сайта кампаніі. Паводле інфармацыі Hrodna.life, Мельячэнку затрымалі за п’янае кіраванне аўтамабілем падчас навагодніх святаў і Новы год ён сустрэў у ізалятары. Пасля гэтага яго звольнілі.
Да прызначэння дырэктарам Мельячэнка, як і Карняловіч, кіраваў карпунктам АТН Белтэлерадыёкампаніі ў Гродне.
Тэлерадыёкампанія «Гродна» аб’ядноўвае тэлеканал «Беларусь 4 Гродна» і «Радыё Гродна». Свой пачатак кампанія бярэ ад абласнога радыё, створанага ў 1944 годзе і абласной студыі тэлебачання, якая пачала працаваць у 1968 годзе.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…