У мікрараёне Солы ў Гродне адрамантавалі кавалак дарогі. Аб гэтым мясцовыя жыхары прасілі дэпутата гарадскога савета Сяргея Мазайлу. Але размыты ўчастак падсыпалі і ўмацавалі… будаўнічым смеццем.
Жыхарам мікрараёна Солы прыйшлося пасля такога рамонту прыбіраць з дарогі арматуру, каб не прабіць колы аўтамабіляў. У сваім Telegram-канале дэпутат Мазайла расказаў пра сітуацыю і ацаніў рамонт лаканічна: «Лепей бы не рабілі».
Мазайла лічыць гэта промахам і не хоча паказваць вынік гэтай працы па тэлебачанні (ён — дырэктар тэлеканала «Гродна Плюс»). Паводле яго слоў, камунальнікі паабяцалі выправіць сітуацыю.
Перад сустрэчай з жыхарамі мікрараёна Солы Мазайла сустракаўся з жыхарамі суседняга раёна Пагараны-Кашэўнікі. Тыя таксама прасілі адрамантаваць дарогі. У жыхароў мікрараёна былі пытанні пра сферу ЖКГ, будаўніцтва новых аб’ектаў. Яны хочуць бачыць у раёне новыя дзіцячыя пляцоўкі, гандлёвы цэнтр і веласіпедныя сцежкі. Таксама яны прасілі паспрыяць рамонту ліўневых і каналізацыйных сістэм.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…