У гродзенскіх школах паставяць відэакамеры на запасных выхадах

Запасныя ўваходы і выхады школ і гімназій Гродна хочуць кантраляваць з дапамогай відэакамер. Усяго іх павесяць 214 — у 13 установах адукацыі.

Работы запланаваны з 1 жніўня па 31 снежня 2024 года. Камеры ўсталююць у васьмі ўстановах адукацыі Ленінскага раёна Гродна і пяці — Кастрычніцкага. Дзесьці ёсць два выхады са школы, дзесьці - 15.

Дзе з’явяцца камеры:

• ДУА «Гродзенская гарадская гімназія імя А. І. Дубко»,
• ДУА «Гімназія № 5 імя У. С. Караткевіча г. Гродна»,
• ДУА «Гімназія № 10 імя мітрапаліта Філарэта (Вахрамеева) г. Гродна»,
• ДУА «Сярэдняя школа № 18 імя Л. М. Даватара г. Гродна»,
• ДУА «Сярэдняя школа № 23 імя Ф. П. Гудзея г. Гродна»,
• ДУА «Сярэдняя школа № 27 імя В. В. Юртава г. Гродна»,
• ДУА «Сярэдняя школа № 28 імя В. д. Сакалоўскага г. Гродна»,
• ДУА «Сярэдняя школа № 32 імя Т. Г. Ларыёнавай г. Гродна»,
• ДУА «Гімназія № 1 імя акадэміка Я. Ф. Карскага г. Гродна»,
• ДУА «Гімназія № 9 імя Ф. П. Кірычэнкі г. Гродна»,
• ДУА «Сярэдняя школа № 38 імя Кірылы Тураўскага г. Гродна»,
• ДУА «Сярэдняя школа № 39 імя І. Д. Лебедзева г. Гродна»,
• ДУА «Сярэдняя школа № 40 імя У.І. Крамко г. Гродна».

Запісы з камер будуць захоўваць 30 дзён.

Запыт цэнавых прапаноў праводзіць Гродзенскі гарадскі цэнтр для забеспячэння дзейнасці ўстаноў сферы адукацыі. На гэта з гарадскога бюджэту выдаткуюць 20 544 рублёў.

Чытайце таксама:

• «Хочам, каб перасталі да_бвацца». Пасля прыходу «ПВК Рёдан» у Беларусь улады ўзяліся за школьнікаў

• «Лічбы на матэматыцы трэба звесці да памятных дат». Маналог настаўніцы з Гродна