У Гродне прадаюць кватэру ў доме на Цітова, 14. У двушцы — два тэлевізары, тры балконы і зона адпачынку на даху. Кватэра гатовая да пражывання — застаецца ўся мэбля і бытавая тэхніка.
Кватэра размешчана на пятым паверсе сяміпавярховіка. Яго пабудавалі ў 2022 годзе. Агульная плошча — 57.0 м2. У рамонце выкарыстоўвалі цёмныя тоны і колеры дрэва. У інтэр'еры шмат раслін, у тым ліку — на балконе.
Рамонт рабілі з прадуманай планіроўкай, якаснымі матэрыяламі і тэхналогіямі, сцвярджаюць уладальнікі. На падлогу паклалі керамаграніт з падагрэвам і паркет. Кухню сумясцілі з гасцінай. Ёсць убудаваная бытавая тэхніка, два тэлевізара 86 і 55 дзюймаў, сэнсарныя выключальнікі, відэадамафоны.
У санвузле ёсць душ, падвесны ўнітаз з інсталяцыяй, пральная і сушыльная машыны, электрабойлер. Вокны ў кватэры выходзяць на два бакі, тры балконы, ёсць свая кладоўка ў падвале.
У дома ёсць уласны паркінг, станцыі для зарадкі электрамабіляў, work-out пляцоўка, дзіцячы гульнявы комплекс з экалагічна чыстых матэрыялаў, закрытая велапаркоўка, зона адпачынку на даху, трэнажорная зала, каморы памяшкання з ралетамі для кожнай кватэры, сістэмай кантролю доступу. Дом і прылеглая тэрыторыя знаходзіцца пад кругласутачным відэаназіраннем. Побач з домам — набярэжная.
Кошт — $ 129 900.
Чытайце таксама: Нерухомасць тыдня: дом з тэрасай, лазняй і барбекю ля возера
