У Беларусь без візы змогуць прыехаць жыхары 35 краін Еўропы

З восьмай раніцы 19 ліпеня 2024 года Беларусь увядзе бязвізавы рэжым для 35 краін Еўропы. Патрапіць у Беларусь жыхары гэтых краін змогуць праз усе пункты пропуску. Пра гэта паведаміла Міністэрства замежных спраў Беларусі.

Замежнікі змогуць знаходзіцца ў Беларусі без візы не больш за 30 сутак з дня ўезду. Таксама яны змогуць рушыць транзітам у трэція краіны, за выключэннем Расійскай Федэрацыі, у тым ліку і праз авіяцыйныя пункты пропуску.

Жыхары якіх краін змогуць патрапіць у Беларусь без візы:

• Аўстрыя;
• Андора;
• Бельгія;
• Балгарыя;
• Боснія і Герцагавіна;
• Ватыкан;
• Вялікабрытанія і Паўночная Ірландыя;
• Венгрыя;
• Грэцыя;
• Данія;
• Ірландыя;
• Ісландыя;
• Іспанія;
• Італія;
• Кіпр;
• Ліхтэнштэйн;
• Люксембург;
• Мальта;
• Манака;
• Нідэрланды;
• Нарвегія;
• Партугалія;
• Румынія;
• Сан-Марына;
• Паўночная Македонія;
• Славакія;
• Славенія;
• Фінляндыя;
• Францыя;
• Германія;
• Харватыя;
• Чэхія;
• Швейцарыя;
• Швецыя;
• Эстонія (уключаючы асобы без грамадзянства, якія пастаянна пражываюць у Эстонскай Рэспубліцы).

Раней «бязвізам» маглі карыстацца толькі суседзі

З 15 красавіка 2022 года ў Беларусі дзейнічае бязвізавы парадак уезда ў Беларусь для грамадзян Літвы, Латвіі, а таксама асобаў, якія маюць статус неграмадзяніна Латвіі. З 1 ліпеня 2022 года дзейнічае бязвізавы ўезд у Беларусь для грамадзян Польшчы.

Чытайце таксама: З’ездзіў па «бязвізе». Паляк расказаў, як яго дапытвалі на беларускай мяжы