Лаўрэаты і арганізатары Прэміі імя Кшыштафа Міхальскага ў час уручэння ў Варшаве, 27 чэрвеня 2024. З дыпломамі злева направа: Фёдар Паўлючэнка, Алена Кавальчук, Аляксей Марцінкевіч
Лаўрэатаў Прэміі імя Кшыштафа Міхальскага для беларускіх журналістаў у выгнанні назвалі 27 чэрвеня ў Google for Startups Campus у Варшаве. Сярод пераможцаў - журналістка з Гродна Алена Кавальчук. Яна атрымала ўзнагароду ў катэгорыі «Будучы талент».
У намінацыі «Аналітычныя журналістыка» перамог Аляксей Марцінкевіч з матэрыялам «Ці паўплывае адмена санкцый супраць беларускага калію на голад у свеце? Хто прасоўвае гэты наратыў у ААН?». У намінацыі «Расследавальніцкая журналістыка» найлепшым назвалі Фёдара Паўлючэнку з тэкстам «„Дыстанцыйны агент“. Як С. Васільеў збег ад КДБ у Польшу, а потым вярнуўся і сеў у туруму на 11 гадоў».
Агулам на конкурс былі пададзены працы ад больш чым 50 беларускіх журналістаў. Члены журы ў час уручэння адзначылі высокі ўзровень работ беларускіх медыйшчыкаў.
Прэмію ў 2023 годзе заснавала Амбасада Аўстрыі ў Варшаве разам з Інстытутам гуманітарных даследаванняў у Вене. Яна названая ў гонар заснавальніка гэтага інстытута, польскага філосафа Кшыштафа Міхальскага.
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…