Фота ілюстрацыйнае, evebot.cc
Кава-друкаркі і аўтаматычныя чайныя машыны з’явяцца да канца 2024 года на запраўках «Беларуснафты». Кампанія анансавала некалькі новаўвядзенняў у сваіх сэрвісах. У тым ліку яна плануе адкрываць новыя кава-поінты па-за АЗС.
«Мы хочам дабіцца ваў-эфекту», — расказаў начальнік аддзела грамадскага харчавання цэнтральнага апарата «Беларуснафты» Сяргей Кіралюк.
Навінкай гэтага года стануць кава-друкаркі, якія з’явяцца на некаторых запраўках «Беларуснафты». Іх збіраюцца прывезці з Кітая.
Гэтыя прылады могуць друкаваць выявы на паверхні кававай пенкі, малочных кактэйляў, марожанага і дэсертаў. З дапамогай харчовых фарбаў можна друкаваць фатаграфіі наведвальнікаў ці лагатыпы, ствараючы ўнікальныя і запамінальныя напоі. Фарбы не ўплываюць на смак, яны бяспечныя для здароўя, а выявы могуць быць як каляровымі, так і манахромнымі.
«Беларуснафта» плануе ўстанавіць каля 100 кава-пойнтаў па-за АЗС па ўсёй Беларусі да канца 2024 года. У кожнай новай кропцы будзе прадстаўлены фірмовы блэнд № 1 CoffeeCarte. На запраўках сеткі АЗС можна купіць зерне CoffeeCarte у розніцу: прапануюць пачкі па 250 грам і 1 кілаграм.
«Беларуснафта» плануе купіць для сваіх заправак аўтаматычныя чайныя машыны з Кітая. Машыны вонкава падобныя да кававых, абсталяваны бункерам для ліставой гарбаты і адсекам для вады. Адной кнопкай у такой машыне можна прыгатаваць свежую гарбату пад ціскам.
Плануецца, што можна будзе выбраць з розных гатункаў гарбаты — чорнай, зялёнай і чырвонай, а таксама халодную або травяную гарбату.
«Беларуснафта» пачала займацца пражаннем кавы ў Гродне ў 2024 годзе. Тут на пляцоўцы РУП «Беларуснафта-Гроднааблнафтапрадукт» адкрылі цэх па пражанні зерняў арабікі з Бразіліі, Калумбіі і В’етнама.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…