У чыгуначным памежным пункце пропуску «Кузніца» (з беларускага боку «Брузгі») польскія мытнікі выявілі чатырох мігрантаў. Яны спрабавалі перасекчы мяжу ў паўвагонах грузавога цягніка з керамзітам, закапаўшыся неглыбока ў груз. Затрыманых перадалі супрацоўнікам Памежнай аховы ў Кузніцы. Пра гэта Hrodna.life паведаміла прэс-сакратарка Падляшскага аддзела Памежнай аховы Кацярына Здановіч.
Затрыманыя мужчыны — грамадзяне Алжыра, якім ад 21 да 29 гадоў. Аднаму з іх у 2020 годзе выдалі рашэнне аб высылцы і забароне на ўезд на 10 гадоў. Прычына забароны — хатні крадзеж з прымяненнем гвалту і пагроз. Таксама мужчыну асудзілі на восем месяцаў пазбаўлення волі ў 2018 годзе ў бельгійскім Бруге.
Гэты мужчына спрабаваў падацца на міжнародную абарону ў Нідэрландах. Але абарону ён не атрымаў, бо ў Нідэрландах яго асудзілі за гвалт у дачыненні да службовых асобаў і ўдзел у мігруючай злачыннай групе, якая займалася крадзяжамі, гвалтам і пагрозамі. З-за гэтага алжырцу на два гады забаранілі ўезд у краіну.
У адносінах да чатырох алжырцаў распачалі адміністрацыйную справу. У выніку ім забаранілі ўезд на тэрыторыю Шэнгенскай зоны на пяць гадоў. Таксама ім выдалі рашэнне аб абавязку вярнуцца ў краіну паходжання. Да часу выезду з Польшчы іх размясцілі ў ахоўны цэнтр для замежнікаў.
Чытайце таксама: На мяжы з Беларуссю мігранты паранілі польскага салдата нажом на палцы
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…