Пракат дрыфт-трайкаў каля ГЦ OldCity у Гродне. Скрыншот Hrodna.life з відэа drift_trikes.by
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы, старэйшы за 16 гадоў. Паглядзелі кошты і правілы выкарыстання.
Дрыфт-трайк — гэта трохколавы транспартны сродак з падвышанай манеўранасцю і здольнасцю да дрыфту, дзякуючы чаму ён набывае ўсё больш папулярнасці сярод аматараў экстрэмальных відаў спорту.
Пляцоўка для новай у Гродне экстрэмальнай забавы адкрыта з 8 траўня. Яе абнеслі часовай агароджай і размецілі конусамі. За тэрыторыю выязджаць забаронена. Кошты на арэнду такія:
Калі перавысіць час арэнды, аплата будзе здымацца як за 10 хвілін.
Да кіравання дрыфт-трайкам не дапусцяць цяжарных жанчын, дзяцей да 16 гадоў і людзей у стане алкагольнага або наркатычнага ап’янення.
Пакуль пляцоўка працуе ў тэставым рэжыме, з 10.00 да 22.00.
Для арэнды дрыфт-трайкаў прапісаныя правілы бяспекі. Падчас катання ўсе ўдзельнікі, якія выкарыстоўваюць абсталяванне, павінны быць у зашпіленых шлемах. Доўгія валасы трэба завязваць і прыбіраць пад шлем ці верхняе адзенне. Таксама давядзецца зняць часткі адзення, якія могуць перашкаджаць руху або прывесці да няшчаснага выпадку, зняць з сябе любыя цвёрдыя ці вострыя прадметы. Нельга пакідаць у адзенні мабільны тэлефон, кашалькі ці іншыя каштоўныя рэчы, якія могуць выпасці падчас заезду.
У час выкарыстання дрыфт-трайка забаронена дакранацца да рухавіка, колаў, самастойна запускаць або спыняць рухавік, пачынаць рух без дазволу адміністратара пракату, уставаць і выходзіць з трайка на тэрыторыю для заезду. Нельга агрэсіўна кіраваць трайкам, сутыкацца з іншымі трайкамі і біцца ў агароджу тэрыторыі пракату, кіраваць трайкам адной рукой ці высоўваць рукі і ногі падчас руху.
За любыя здарэнні падчас выкарыстання трайка адказнасць панясуць самі арандатары, папярэджваюць у Instagram праекту drift_trikes.by. Таксама давядзецца заплаціць за любыя пашкоджанні, выкліканыя няправільным выкарыстаннем трайка.
Чытайце таксама: У Гродне з чацвёртай спробы адкрылі скейт парк. Дзе можна пакатацца?
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…