Андрэй Болтрык. Крыніца: "Беларусь сегодня"
Аляксандр Лукашэнка прызначыў у Гродне новага кіраўніка Кастрычніцкага раёна. Ім стаў Андрэй Болтрык. Радыёфізік паводле першай адукацыі, з 2008 года ён працаваў у сферы эканомікі на кіроўчых пасадах. З 2014 года быў намеснікам старшыні Гродзенскага гарадскога выканаўчага камітэта. Аб прызначэнні паведаміў канал аблвыканкама «Пул 4 регион».
Андрэю Болтрыку 44 гады. Нарадзіўся ў Гродне. У 2002 годзе скончыў Гродзенскі дзяржаўны ўніверсітэт імя Янкі Купалы па спецыяльнасці «Радыёфізіка», у 2008 годзе — Акадэмію кіравання пры Прэзідэнце Беларусі па спецыяльнасці «Дзяржаўнае кіраванне і эканоміка». З 2002 па 2008 год працаваў у Гродзенскім дзяржаўным універсітэце імя Янкі Купалы. Пасля кіраваў аддзелам эканомікі Гродзенскага раённага выканаўчага камітэта, працаваў у камітэце эканомікі Гродзенскага абласнога выканаўчага камітэта. У 2013−2014 гадах узначальваў камітэт эканомікі.
З 2014 года стаў намеснікам старшыні гарвыканкама — курыраваў пытанні эканомікі, працы і занятасці насельніцтва, гандлю і грамадскага харчавання, камунальнай маёмасці і прыватызацыі, знешнеэканамічнай дзейнасці.
Папярэдні кіраўнік адміністрацыі Кастрычніцкага раёна Алег Бялінскі ў лютым 2024 года стаў дэпутатам гарадскога Савета дэпутатаў 29 склікання. На першай сесіі яго абралі старшынёй, пісаў «Гродна Плюс».
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…