У Наваградку прайшоў суд за распаўсюд лагатыпа групы «Мая краіна Беларусь» «ВКонтакте». За гэта судзілі аператара ЭВМ адной з устаноў адукацыі. Жанчына — цяжарная і стаіць на ўліку. Таксама ў яе ёсць яшчэ адно непаўналетняе дзіця.
Жанчына падпісалася на суполку ў 2019 годзе. Яна не закрыла доступ да старонкі. Навагрудчанка не прыйшла ў суд, але прызнала віну. 21 сакавіка ў судзе Навагрудскага раёна яе пастанавілі аштрафаваць паводле ч. 2 арт.19. КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць».
Цяжарная заплаціць штраф у 25 базавых велічынь (1000 рублёў). Тэлефон канфіскоўваць не будуць.
Чытайце таксама: Як не стаць экстрэмістам ў Беларусі? Юрыст — аб пакаранні за падпіску, лайк і рэпост
