Кавярня "Чорно-белый" у Мінску. Крыніца: Instagram/pink.panter.here
Уласнікі гродзенскіх кавярняў «Крепкий чёрный» и «Крепкий белый» адкрылі ў Мінску новую кавярню — «Чёрно-белый». Адкрыццё адбылося 24 сакавіка 2024 года.
Кавярня размяшчаецца насупраць Нацыянальнай бібліятэкі на вуліцы Мсціслаўца, 10. Новая кавярня веган-, пэтс- і фрыланс- фрэндлі. Там прапануюць вегетарыянскую ежу, туды пускаюць з жывёламі, а таксама не супраць, каб там працавалі фрылансеры.
«Да нас можна з ноўтбукам — сядзіце колькі хочаце, але толькі, калі ласка, за вялікім сінім сталом», — напісалі на ўваходзе ў кавярню.
Кавярня працуе ў тэставым рэжыме з 8:00 да 23:00.
У меню ёсць сняданкі, а таксама карта кавы. Там можна замовіць сырнік альбо панкейкі за 15 рублёў. Сэндвіч з беконам будзе каштаваць 18 рублёў, а вялікі сняданак — 24 рублі. Цана за каву пачынаецца ад 5 рублёў.
Кавярню «Крепкий Чёрный» у Гродне адкрылі ў траўні 2020 года ў гандлёвым цэнтры Kazzarma Mall. Установа пазіцыянуе сябе як «pets friendly». Яны спецыяльна вырашылі адкрыцца ў жылым мікрараёне і працуюць «з веганскім ухілам». У буднія дні кавярня пачынае працаваць з 8.00 раніцы.
Другую кавярню — «Крепкий белый» гродзенцы адкрылі ў кастрычніку 2022 года на вуліцы Замкавай, 12. Яе размясцілі на другім паверсе бізнес-цэнтра «На Замкавай».
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…