Навіны

У цэнтры Гродна прадаюць Дом быту. Пяць гадоў таму яго планавалі знесці, бо ён «не ўпрыгожвае наш горад»

На вуліцы Замкавай у Гродне прадаюць будынак Дома быту. Зя пяціпавярховы будынак плошчай 6,5 тыс. кв. м. хочуць больш за 10 млн рублёў (амаль $ 3,13 млн). Адпаведную інфармацыю апублікавалі на сайце Гродзенскага цэнтра нерухомасці.

У будынку размяшчаюцца 44 памяшканні. У арэнду можна здаваць частку ўвахода і даху. Ёсць тэхнічныя падвал і паверх. Сам будынак прызначаны для бытавога абслугоўвання насельніцтва.

Пакупнік будынка мусіць на працягу года распрацаваць і зацвердзіць праект мадэрнізацыі альбо рэканструкцыі. Праект павінен прадугледжваць падыходы, якія палепшаць архітэктурныя і рэпрэзентатыўныя якасці фасадаў. Выканаць працы трэба на працягу трох гадоў. У выніку невыканання патрабаванняў прадугледжаны штраф 1000 базавых велічынь (40 тыс. рублёў).

Прадаюць не толькі Дом быту

Будынак Дома быту належыць адкрытаму акцыянернаму таварыству «Чайка». Яно займаецца хімічнай чысткай адзення, дываноў, подушак. Гэтаму таварыству таксама належаць тры будынкі на вуліцы Зярнова, 6, на Фолюшы. Іх, як і Дом быту, прадаюць. Цана — больш за 1,7 млн рублёў ($ 540 тыс).

Будынкі на Зярнова таксама трэба мадэрнізаваць альбо рэканструяваць і ўвесці ў эксплуатацыю на працягу чатырох гадоў. Калі не выканаць умовы, прадугледжаны штраф у 500 базавых велічынь (20 тыс. рублёў). За кожныя наступныя шэсць месяцаў невыканання праекту ўладальніку таксама трэба будзе заплаціць штраф у 500 базавых велічынь.

Будынак Дома быту планавалі зруйнаваць

Будынак Дома быту пабудавалі ў 1971 годзе. Дзеля яго будаўніцтва ў Гродне зруйнавалі гістарычны квартал, у тым ліку «Дом з рыбкай», які аднавілі ў 2022 годзе.

Чытайце таксама: Як можа выглядаць Замкавая без Дома быту: гісторык паказаў праект адбудовы страчанага квартала ў цэнтры Гродна

У студзені 2019 года ў Гродзенскім аблвыканкаме абмяркоўвалі знос Дома быту. Чыноўнікі лічылі, што ён не ўпісваецца ў гістарычны цэнтр. «Дом быту адназначна не ўпрыгожвае наш горад», — сказаў тады першы намеснік старшыні Гродзенскага гарвыканкама Андрэй Жук.

Праз год, у красавіку 2020 года, чыноўнікі перадумалі зносіць Дом быту. Яго вырашылі рэканструяваць і пачалі шукаць інвестара.

Чытайце таксама: Вуліца Кляшторная, якую «дабіў» Дом быту: як выглядала, куды знікла і чаму яе трэба аднавіць

Падзяліцца

Апошнія запісы

У Новым замку ў Гродне будзе рамонт: падлога руйнуецца, а на сценах расколіны і грыбок

У Гродне запланавалі бягучы рамонт авальнай залы ў Новым замку. Работы завершаць да канца снежня.…

9 лістапада 2024

У Гродне збіраюцца будаваць новыя інтэрнаты — не хапае кожнаму пятаму іншагародняму студэнту ГрДУ

У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…

8 лістапада 2024

Турыстка прыехала паглядзець на вядомую фотазону Гродна і расчаравалася

Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…

8 лістапада 2024

У Гродне збіраюць подпісы за кандыдатаў на выбары прэзідэнта. Дзе і што забаронена?

Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…

8 лістапада 2024

Карціну з Гродна, напісаную 111 гадоў таму, прадавалі на аўкцыёне за € 3,5 тыс.

Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…

8 лістапада 2024

У цэнтры Гродна адкрываецца ўзбекская чайхана

На Карла Маркса, 10 з'явілася чайхана "Халяль" - з мантамі, пловам і лавашам з тандыра.…

7 лістапада 2024