Усталёўка платформы для птушынага гнязда ў Азёрах. Крыніца: vgr.by
У мястэчку Азёры на электрычных слупах усталявалі спецыяльныя платформы для гнёздаў буслоў. Яны патрэбныя, каб птушкі не забруджвалі электрычныя правады, паведаміў «Вячэрні Гродна» са спасылкай на «Гроднаэнэрга».
Канструкцыю платформаў для гнездавання птушак распрацавалі ў 2020 годзе. Іх усталёўваюць супольна са спецыялістамі з прыродаахоўных установаў - арнітолагі падбіраюць месцы, дзе птушкам будзе камфортна і яна не будуць у блізкай адлегласці да лініі электраперадач (ЛЭП).
Звычайна пад гнёздамі птушак збіраецца птушыны памёт, вільгаць і цвіль. Такім чынам забруджваецца ізаляцыя правадоў. Гэта можа выклікаць кароткае замыканне і адключэнне электрасеткі. Таксама з-за жыццядзейнасці птушак могуць акісляцца кантактныя злучэнні.
Шматгадовыя гнёзды небяспечныя для сетак. Птушкі штогод дабудоўваюць сваё жытло, з-за чаго вага гнязда можа павялічвацца на некалькі дзясяткаў кілаграм. Прасеўшы, яно можа абарваць правады, што небяспечна для людзей і жывёл.
У сярэднім за адзін год гняздо бусла становіцца цяжэй на 64 кг. Гнёзды вышынёй паўметра могуць важыць каля 300 кг, а вышынёй адзін метр — 700 кг.
Чытайце таксама: У Еўропе паспрабавалі замерыць гнёзды буслоў: адно з самых вялікіх знайшлося на Гродзеншчыне
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…