Ілюстрацыйнае фота. Крыніца: Alicja/pixabay.com
Люты 2024 года пабіў рэкорд. Ён стаў самым вільготным месяцам з 1945 года. Таксама ён заняў другое месца ў рэйтынгу як самы цёплы люты за гэты ж перыяд, паведаміў Гродзенскі абласны гідраметцэнтр.
У лютым ападкі былі ў выглядзе снегу, мокрага снегу, дажджу і імжы. Самымі вільготнымі былі першая і трэцяя дэкады лютага. У гэтыя перыяды выпала дзве-тры дэкадныя нормы ападкаў. У сярэднім за месяц выпала 85 мм ападкаў - 220% кліматычнай нормы. Перавышаныя гістарычныя максімумы адзначылі ў Лідзе, Шчучыне і Навагрудку.
Сярэднемесячная тэмпература паветра ў Гродзенскай вобласці ў лютым склала +2,7°С. Гэта на 5,6°С вышэй за кліматычную норму. Самай цёплай была трэцяя дэкада месяца, калі тэмпература паветра была ад +7,9°С да +8,5°С.
Часцей за ўсё дзённая тэмпература была ў раёне +5°С — +10°. Але ў самыя халодныя дні яна апускалася ніжэй за нуль, а ў самыя цёплыя павышалася да +11°С — +13°С.
Самую высокую тэмпературу ў лютым зафіксавалі 27 лютага на станцыі Ваўкавыск — +12,5°С. Самая мінімальная — 9 лютага на станцыях Ашмяны і Ліда. Тады тэмпература паветра апусцілася да -6,4°С.
Чытайце таксама: У Гродне затапіла пляжы. Чаго чакаць ад Нёмана ў бліжэйшыя дні?
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…