Фота ілюстрацыйнае: euprojects.by
Працягласць новага гарадскога веламаршруту будзе 18 км. У ДАІ плануюць у 59 месцах занізіць бардзюрны камень.
Адзіны маршрут працягнецца ад вуліцы Багушэвіча да Санаторнай, расказаў начальнік Упраўлення ДАІ Гродзенскага аблвыканкама Генадзь Бяляўскі на «Гродна Плюс».
На гэты момант у Гродне абсталявана 58 км веласіпедных дарожак, ёсць 11 велапераездаў, у некаторых месцах паніжаны бартавы камень і ўстаноўлены абмежавальныя слупкі.
Да прымусовай ліквідацыі ў 2021 годзе над паляпшэннем велаінфраструктуры горада сумесна з чыноўнікамі сістэмна працавала грамадскае аб’яднанне «ВелаГродна». У снежні 2017 у Гродзенскім гарвыканкаме была створана Рада па развіцці веларуху. Туды ўваходзіла каля 20 удзельнікаў: прадстаўнікі гарвыканкаму, будаўнічых арганізацый, грамадскіх аб’яднанняў. Адным з прыярытэтаў арганізацыі было заніжэнне высокіх бардзюраў і кантроль будучых будоўляў. Сапраўды, новыя раёны сталі будаваць прыязнымі для веласіпедыстаў.
У прэзентаванай у 2022 годзе Схеме азелянённых тэрыторый агульнага карыстання распрацаваныя ў горадзе веламаршруты ўвязалі з азелянёнымі тэрыторыямі. Развіццё велаінфраструктуры закладзена і ў Генплане для Гродна да 2030 года.
Чытайце таксама:
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…