Торт King Cake. Крыніца: Instagram / king.cake_classic
Вытворчасць тортаў пад брэндам King Cake запусцілі на Азёрскай шашы ў Гродне. Торты, падобныя да традыцыйнай літоўскай выпечкі шакоціс, гатуюць уручную і выпякаюць на адкрытым агні.
Кожны слой торта запякаюць на адкрытым агні асобна — такім чынам робіцца да 20 слаёў. Захоўвацца ласунак можа да 30 сутак. Для ўпакоўкі выкарыстоўваюць экалагічныя матэрыялы на аснове цэлюлозы.
Прадукуе торт пад брэндам King Cake прадпрыемства «Белкандытар». Купіць яго можна ў гандлёвым доме «Баторыя». Кілаграмовы торт каштуе 38,19 рублёў. Плануецца, што такія торты будуць прадаваць і ў іншых гандлёвых сетках горада.
Такога тыпу торт — характэрны для нашага рэгіёна. У Літве ён называецца шакоціс, у Польшчы сэнкач, а на Гродзеншчыне ёсць свой аналаг — банкуха, якую вырабляюць у Свіслачскім раёне. У 2019 годзе торт банкуха ўпісалі ў спіс нематэрыяльнай культурнай спадчыны Беларусі.
Торт King Cake ад «Белкандытара» атрымаў сертыфікат «Знак якасці прадукцыі для дзяцей», бо ўдзельнічаў у «выбарах» 25 лютага. Тады ў Гродзенскім абласным інстытуце развіцця адукацыі вырашылі стварыць дзіцячы ўчастак для галасавання, дзе прапаноўвалі выбраць не кандыдата ў дэпутаты, а самы смачны ласунак. King Cake апынуўся адным з пераможцаў.
Чытайце таксама: Драўляны будынак у Новым свеце «ажыў»: у ім прадаюць вырабы з мяса і фермерскі сыр
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…