Навіны

У конкурсе ідэй для рэканструкцыі набярэжнай Нёмана не вызначылі пераможцаў

Ніводзін праект, пададзены на конкурс ідэй для добраўпарадкавання набярэжнай Нёмана, не адпавядаў умовам конкурса. Пра гэта паведамілі на сумесным стрыме старшыні Гродзенскага гарвыканкама Андрэя Хмеля і старшыні Гродзенскага аблвыканкама Уладзіміра Караніка.

Паводле словаў Хмеля, у конкурсе прыняла ўдзел шмат людзей [гродзенцы прыслалі 23 ідэі - Hrodna.life]. Камісія, якая разглядала працы, вырашыла, што ніводны праект не адпавядае ўмовам. Але варыянты, якія даслалі гродзенцы, плануюць закласці ў аснову праектавання набярэжнай. Яе плануюць адкрыць да 900-годдзя Гродна ў 2028 годзе.

Пераможцам абяцалі грошы

Конкурс праектаў па добраўпарадкаванні набярэжнай Нёмана пачалі ў верасні 2023 года. Паводле плана, добраўпарадкаваць плануюць два берагі Нёмана. Правы — ад Новага моста да чыгуначнага моста — 2,5 км. Левы — ад порта да Старога моста — больш за 500 м.

Тры самыя папулярныя ідэі, якія прапаноўвалі гродзенцы:

  • экасцежка, якая аб’ядноўвае бераг, ваду і выспу;
  • арганізацыя пешаходнага моста праз Нёман, каб звязаць два берагі;
  • стварэнне амфітэатра.

Пераможцам конкурсу абяцалі грашовыя ўзнагароды: за першае месца звычайныя грамадзяне маглі атрымаць 6000 рублёў, студэнты і навучэнцы — 7000 рублёў, а праектыроўшчыкі, архітэктары, дызайнеры — 9000 рублёў.

Верагодна, што грашовыя ўзнагароды ніхто не атрымае, але варыянты праектаў закладуць у аснову праектавання.

Чытайце таксама: Экасцежка, амфітэатр і гульнявы замак на выспе. Як гродзенцы бачаць добраўпарадкаванне набярэжнай Нёмана

Што з набярэжнай у Гродне зараз?

Telegram-канал Urban Hrodna вылучыў найбольш актуальныя праблемы гродзенскай набярэжнай:

  • практычна няма лавачак, каб адпачыць;
  • няма зручных спускаў да вады;
  • тусавацца на набярэжную прыязджаюць (гараджанам гэта важна!), але на машынах, гэта робіць прастору небяспечнай;
  • летам няма ценю;
  • нявыкарыстаныя схілы. Там можна было б зрабіць тэрасныя спускі з лавачкамі, ландшафтныя кампазіцыі з раслін, летнія сцэны і шмат чаго яшчэ;
  • няма грамадскіх прыбіральняў;
  • не вылучаны веладарожкі;
  • мог бы быць фудкорт, але яго няма;
  • частка набярэжнай на вул. Рыбацкай наогул ніяк не ўладкована нават для людзей, што там жывуць — пабіты асфальт, ямы, пыл.

Частку набярэжнай у рамках свайго праекта плануюць уладкаваць новыя ўладальнікі піўзавода. Тэрыторыя не будзе агароджана, як зараз, будзе спуск да ракі.

Праект быў - грошай не было

Праект добраўпарадкавання набярэжнай ад вусця Гараднічанкі да Новага моста даўно распрацаваны ў інстытуце «Гроднаграмадзянпраект», пісаў архітэктар Аляксандр Штэн у 2019 годзе. Адна з прычын, чаму ён не быў рэалізаваны — недахоп грошай у бюджэце.

Чытайце таксама: Грамадскія грылі, выхад да ракі, няма машын: гродзенец прыдумаў, як ажывіць набярэжную Нёмана

Падзяліцца

Апошнія запісы

У цэнтры Гродна адкрылася фотастудыя — кліентаў прывабліваюць жывымі куранятамі

У сярэдзіне сакавіка на Замкавай, 11 адкрылася фотастудыя Retreat. У студыі ёсць некалькі працоўных зон…

8 красавіка 2025

Гродзенскі «Кронан Парк Гатэль» прызналі найлепшым гатэлем ў краінах СНД

Гатэль «Кронон Парк Гатэль», размешчаны ў лесапарку Пышкі ў Гродне, атрымаў прэмію Travel Time Awards…

7 красавіка 2025

У Беларусі рэзкі рост пазбаўлення бацькоўскіх правоў — дасягнулі «рэкорду» за апошнія 9 гадоў

У 2024 годзе бацькоўскіх правоў у Беларусі былі пазбаўлены бацькі 3 955 дзяцей. Гэта найбольшая колькасць…

7 красавіка 2025

Гродзенец набіў татуіроўку ў памяць рэпера Пашы Тэхніка

Жыхар Гродна набіў на шчыкалатцы татуіроўку з выявай расійскага рэпера Пашы Тэхніка і подпісам “Досвидания”.…

7 красавіка 2025

Нерухомасць тыдня: на Дзевятоўцы прадаюць кватэру з чарапашкамі-ніндзя і аб’ёмнай картай свету на сцяне

На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…

4 красавіка 2025

Лакацыі паводле фільмаў пра вайну, парад і ўзяцце Тэкстыльшчыкаў замест Рэйхстага. Што плануюць у Гродне на 9 траўня?

У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…

4 красавіка 2025