Ілюстрацыйнае фота з архіва
Як мінімум пра 12 жыхароў Гродзенскай вобласці, якія трапілі ў міліцыю за данаты, распавялі самі сілавікі. Яны ў кратным памеры пакрылі шкоду. Сілавікі сцвярджаюць, што людзі добраахвотна прыйшлі і засталіся на волі. Таксама вядома, што некаторыя крымінальныя справы перадаюць у суд.
Дастаўлялі ў РАУС за данаты як жыхароў Гродна, так і вобласці — Шчучына, Слоніма, Ліды, Свіслачы, Ваўкавыска, Астраўца. Як правіла, імі цікавіліся за данаты Nexta і BYSOL. Вядомы выпадак пераследу за данат «Стране для жизни».
Пра затрыманні за данаты ў Гродзенскай вобласці пачалі паведамляць у студзені 2024 года. Схема аднолькавая: сілавікі сцвярджаюць, што жыхары вобласці данацілі праз PayPal або Youtube, а потым нібыта добраахвотна прыходзілі з павіннай, плацілі грошы на дабрачыннасць для «кампенсацыі шкоды», пасля чаго іх адпускалі.
Плаціць прыйшлося сумы ў сотні разоў больш за данат. Напрыклад, айцішнік перавёў Nexta € 1,78 — а ў «дзіцячы фонд» прыйшлося перавесці $ 1000.
Найбольшай пераследуемай групай за данаты сталі айцішнікі.
Цяпер актыўна працуюць над выяўленнем «фінансавання экстрэмісцкай дзейнасці», распавядаў намеснік пракурора вобласці Андрэй Скурат. Гаворка ідзе аб данатах дабрачынным фондам у 2020−2021 гадах. На дадзены момант крымінальныя справы перадаюць у суд.
Пра тое, што сілавікі пачалі выклікаць людзей ва ўпраўленне Дэпартамента фінансавых расследаванняў па Гродзенскай вобласці за данаты ў BYSOL праз Facebook, ініцыятыва «Хранители» папярэджвала яшчэ ў верасні 2023 года. Яны раілі зачысціць Facebook-акаўнт па метадычцы, якую напісала кааліцыя пратэстных двароў (КПД). Таксама парады дае «Вясна». У Мінску за данаты пачалі выклікаць яшчэ ў канцы 2022 года, пісала Zerkalo.io.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…