Martyn Janduła, rynek-kolejowy.pl
У Польшчы разгледзяць змены ў чыгуначным злучэнні з Беларуссю. Магчыма, што з Гродна ў Беласток і з Брэста ў Цярэспаль зноў можна будзе даехаць цягніком, паведаміў Rynek kolejowy.
У студзені 2024 года ў Польшчы стварылі міжведамасную групу па міграцыі. Яна павінна распрацаваць новую стратэгію ўрада па рэагаванні дзяржавы на міграцыйныя працэсы або прысутнасць замежнікаў на тэрыторыі Польшчы.
Сярод заданняў групы — распрацоўванне зменаў у заканадаўстве, у тым ліку магчымая папраўка да рэгламенту, які прыпыняе чыгуначную перавозку пасажыраў на польска-беларускіх памежных пунктах. Першае пасяджэнне групы адбылося 7 лютага 2024 года.
Рух пасажырскіх цягнікоў паміж Беларуссю і Польшчай спынілі вясной 2020 года. Ініцыятарам гэтага была Польша, а прычынай — распаўсюд COVID-19. Нягледзячы на тое, што эпідэмія COVID-19 cкончылася, забарону на рух пасажырскіх цягнікоў не адмянілі. Гэта абгрунтавалі магчымасцю выкарыстоўваць злучэнне для аказання міграцыйнага ціску на Польшчу. Зараз міжведамасная група павінна прааналізаваць міграцыйную палітыку краіны.
Да 2020 года на беларуска-польскай мяжы працавалі два чыгуначных памежных пункта: «Брэст — Цярэспаль» у Брэсцкай вобласці і «Брузгі - Кузніца» ў Гродзенскай вобласці. Нягледзячы на тое, што пасажырскі рух спынены з 2020 года, грузаперавозкі па чыгунцы адбываюцца і сёння.
Пасажырскія цягнікі таксама не ездзяць з Польшчы ў Калінінградскую вобласць Расіі.
З Беларусі ў Польшчу зараз можна патрапіць толькі на аўтамабілі ці аўтобусе. Адзіны памежны аўтамабільны пункт, які працуе, — «Брэст — Цярэспаль». Пераход «Брузгі - Кузніца» закрылі ў 2021 годзе з-за міграцыйнага крызісу на польска-беларускай мяжы, а пераход «Бераставіца — Баброўнікі» ў 2023 годзе як у адказ на прысуд журналісту Анджэю Пачобуту.
Таксама патрапіць у Польшчу з Беларусі можна праз тэрыторыю Літвы. Але і там у хуткім часе могуць закрыць частку пунктаў пропуску.
Чытайце таксама: Польшча можа адкрыць частку памежных пераходаў, калі Лукашэнка выканае дзве ўмовы
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…