Будынак, выстаўлены на продаж, - на фота справа. Фота: "Вячэрні Гродна"
На продаж выставілі былыя памяшканні Гродзенскай дзіцячай школы мастацтваў імя Антонія Тызенгауза. Будынак размешчаны ў самым цэнтры Гродна — на Сацыялістычнай, 17.
Зараз цагляны двухпавярховы будынак пустуе. Ён прымыкае да дзейнага будынка школы мастацтваў на Сацыялістычнай, 19. Абедзьве пабудовы зараз належаць Гродзенскай дзіцячай школе мастацтваў імя Тызенгаўза (плошча Тызенгаўза, 5).
У памяшканнях ёсць усе камунікацыі, акрамя тэлефона. Агульная плошча, выстаўленая на продаж,— 1287,4 кв.м. З іх 150,2 кв.м былі здадзены ў арэнду, але яе тэрмін ужо скончыўся. Па дакументах будынак запісаны як спецыялізаваны для адукацыі і (або) выхавання. Разам з будынкам прадаюць склеп, пляцоўку і дарожку. У цэнтры фасада размешчана арка.
Пачатковую цану і дату аўкцыёну пакуль не апублікавалі.
Будынак узведзены ў канцы XIX стагоддзя ў стылі эклектыкі. У пачатку ХХ стагоддзя, магчыма, тут жыў вольны лекар-практык Шумкоўскі. У 1950-х будынак перайшоў у вячэрнюю школу працоўнай моладзі № 1 (вядома як пазменная школа).
Чытайце таксама:
Гатэль «Кронон Парк Гатэль», размешчаны ў лесапарку Пышкі ў Гродне, атрымаў прэмію Travel Time Awards…
У 2024 годзе бацькоўскіх правоў у Беларусі былі пазбаўлены бацькі 3 955 дзяцей. Гэта найбольшая колькасць…
Жыхар Гродна набіў на шчыкалатцы татуіроўку з выявай расійскага рэпера Пашы Тэхніка і подпісам “Досвидания”.…
На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…
У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…
З 5 красавіка ў Гродне талоны на праезд у гарадскім грамадскім транспарце даражэюць на 10…