У Гродне прадаецца кватэра з дызайнерскім інтэр’ерам, выкананым спецыялістам. У ёй нестандартная планіроўка, што прадаўцы называюць галоўнай разынкай памяшкання.
Агульная плошча – 81 м2. Яна знаходзіцца на трэцім паверсе дзевяціпавярховіка. Санвузел – раздзельны. Ёсць зашклёная лоджыя. Кухня абсталявана неабходнай бытавой тэхнікай.
У кватэры прысутнічае шмат дэталяў – люстэркі, вазы. Некаторыя пакоі падзеленыя паміж сабой рассоўнымі дзвярыма-перагародкамі. У санвузле, зале і прыхожай — белыя і бэжавыя тоны. У адным з пакояў — глыбокі сіні колер на сценах і мэблі. У пакоі, мабыць, абсталяваным пад дзіцячы, – бела-ружовы. Ёсць як мінімум два тэлевізара. Мэблі дастаткова.
Дом размешчаны побач з ГЗК Triniti. Кватэра пасуе пад здачу ў арэнду.
Кошт – $125 000.
Чытайце таксама: Нерухомасць тыдня: трошка з чорна-белай кухняй, ляпнінай і сцяной пад дрэва
