Стала вядома, калі ў Гродне пройдзе Gastrofest.Кава 2024: глядзіце спіс сэтаў
У лютым 2024 года ў Беларусі адбудзецца Gastrofest.Кава. Ён пройдзе ў Гродне, Мінску, Гомелі, Брэсце і Віцебску. У Гродне ў кававым гастрафэсце прымае ўдзел 10 кавярняў. Арганізатары абяцаюць падарункі і розыгрышы ад брэнда тэхнікі HONOR.
Фестываль адбудзецца з 1 па 18 лютага 2024 года ва ўсіх абласных цэнтрах, акрамя Магілёва. Цана за адзін сэт у Гродне будзе 11 рублёў. Таксама арганізатары абяцаюць «прыемную прапанову» ад генеральнага партнёра фестываля «Альфа Банка».
Якія кавярні ўдзельнічаюць у фестывалі у Гродне
Кафэ-цукерня Cup&Cake на вуліцы 1 Мая, 21,
Кавярная «Кофишка» на вуліцы Савецкай, 14,
Кавярня Lcoffee на вуліцы Дамініканскай, 3,
Кавярня Doppio на вуліцы Замкавай, 12А,
Кавярня «Семья» на вуліцы Савецкай, 10,
Кавярня «Джэзва» на вуліцы Савецкай, 5,
Кавярня «Дели» на вуліцы Ажэшкі, 33,
Кавярня SPRAVA на вуліцы Маставой, 31,
Кафэ-бар «Арка» на вуліцы Віленскай, 6,
Кавярня «Проходная» на вуліцы Маставой, 31.
Якія сэты прапануюць у гродзенскіх кавярнях на Gastrofest.Кава 2024
Кафэ-цукерня Cup&Cake
Што ўваходзіць у сэт:
Раф маліна-базілік (прыгатаваны на аснове зерняў 100% арабікі сярэдняга пражання, у склад таксама ўваходзяць вяршкі, малінавы сіроп, маліна сублімаваная і базілік), 200 мл
Чызкейк Сан-Себасцьян (складаецца з вяршковага тварожнага сыру, які пасля выпечкі мае злёгку падсмажаную скарыначку і вельмі далікатнае напаўпрапечанае начынне з асвяжальным смакам лімона; маленькім упрыгожаннем з’яўляецца мішка з шакаладу), 150 г
Кавярная «Кофишка»
Што ўваходзіць у сэт:
Какосавы раф з ванільным пламбірам і шакаладнай стружкай, 350 мл
«Какос» з малочнага шакаладу, напоўнены какосавым крэмам на бісквіце і апельсінавым кампоце, 90 г
Кавярня Lcoffee
Што ўваходзіць у сэт:
Кава па-венску, 200 мл
Далікатны чызкейк «капучына», 120 г
Кавярня Doppio
Што ўваходзіць у сэт:
Латэ «Чарнічнае воблака» (насычаны кававы напой, прыгатаваны з бразільскага кававага зерня, 100% арабіка. Эспрэса мае арэхавыя ноты ў спалучэнні з карамеллю. Асаблівасць напою заключаецца ў выкарыстанні натуральнай асновы з чарніцаў, што дае сакавіты ягадны мікс у смаку), 250 мл
Чызкейк у вафельным кубачку без цукру і глютэна (хрумсткая вафля пад шакаладам уласнага прыгатавання, усярэдзіне знаходзіцца далікатны ванільны-вяршковы мус і ягаднае кампатэ), 140 г
Кавярня «Семья»
Што ўваходзіць у сэт:
Напой «Капучына з какосавым сіропам» (падаецца з гранатавай мярэнгай), 200 мл
Дэсерт «Гранатавы бранзалет» (хрумсткае безэ з гранатавым сіропам у спалучэнні з «Лімонным курдам» са смакам глінтвейну і далікатна-вяршковым крэмам унутры. Падаецца дэсерт з ягадным кулі, свежым гранатам і шкляной спіраллю з карамелі), 150 г
Кавярня «Джэзва»
Што ўваходзіць у сэт:
Бананавы латэ (малочны кававы напой на аснове эспрэса з зерняў 100% арабікі і малака, з дадаткам крафтавага бананавага пюрэ і вяршкоў уласнага прыгатавання), 220 мл
Браўні (шакаладнае пірожнае на цёмным шакаладзе з дадаткам грэцкага гарэха, дапоўнена шарыкам марожанага са смакам кляновага сіропу, паліта хатняй салёнай карамеллю), 120 г
Кавярня «Дели»
Што ўваходзіць у сэт:
Класічная кава па-ірландску (можа быць пададзены без віскі), 180 мл
Трюфельныя цукеркі з ганаша на базе малочнага і цёмнага шакаладу (шакалад малочны, шакалад цёмны, тварожны сыр, чарнасліў, грэцкі гарэх і вяршкі), 80 г
Кавярня SPRAVA
Што ўваходзіць у сэт:
Чорная кава з хатнім салодка-рэзкім сіропам і лімоннай пенай, 200 мл
Далікатнае шакаладна-кававае пірожнае з хрумсткім крусцілантам, 120 г
Кафэ-бар «Арка»
Што ўваходзіць у сэт:
Кававы напой «Вяршковае піва», 200 мл
Маркоўны пірог місіс Уізлі, 170 г
Кавярня «Проходная»
Што ўваходзіць у сэт:
Безалкагольны кававы глінтвейн на аснове вішнёвага соку, эспрэса, апельсіна і спецый (карыца, гваздзіка, бадзян і кардамон), 310 мл
Тарт на міндальнага аснове, з запечаным франжыпанам з кавалачкамі фундука, і ўзбітым кававым ганашам на цёмным і малочным шакаладзе, 90 г
Летась сэты каштавалі танней
Летась кававы гастрафестываль адбыўся таксама ў лютым. Гродзенскія кавярні прадстаўлялі гасцям дэгустацыйныя сэты з кавы і дэсерту за 9 рублёў. Пры аплаце сэта карткай «Альфа Банка» госці атрымоўвалі смачны падарунак пры наступным наведванні або замове ва ўстанове.