Колькасць крам дзіцячых тавараў сеткі «Буслік» працягвае скарачацца. Увосень кампанія паведамляла, што ў сетцы больш за 40 крам, а ў студзені 2024-га іх засталося ўжо ўсяго 14.
У Гродне крама «Буслік» засталася толькі ў Triniti. Раней крамы працавалі ў гандлёвым цэнтры з вежамі на Ліможа, 32б, у ГЦ «Фламінга» на вул. Соламавай, у ГЦ «Магніт» на Фамічова, у Kazzarma Mall. Восем з 14 крам па краіне зараз знаходзяцца ў Мінску.
У краме прадаюцца адзенне для малых і старэйшых дзетак, тавары для догляду, дзіцячае харчаванне, тавары для школы і творчасці і цацкі. Асартымент перасягнуў за 25 тысяч найменняў, паведамляе сайт сеткі.
«Буслік» — даччыная кампанія польскага інвестара кампаніі CDRL. Праблемы ў сеткі «Буслік» у Беларусі пачаліся ў 2023 годзе, піша Office Life. Яе выручка падала на працягу ўсяго года. У I квартале аператар сеткі - кампанія «ДПМ» — знізіў выручку да аналагічнага перыяду 2022-га на 13,6%, у II квартале — на 12%. А за III квартал выручка сеткі ў афлайне знізілася на 27,5%, а ў анлайне — на 64%. У кастрычніку кампанія CDRL паведаміла пра «страту кантролю» над даччынай кампаніяй у Беларусі і пагрозе яе банкруцтва. У CDRL таксама заявілі аб спісанні пратэрмінаванай дэбіторскай запазычанасці сеткі ў памеры 1,7 млн злотых (больш за $ 400 тыс.) і прыпыненні далейшых паставак тавараў у Беларусь.
Першая крама дзіцячых тавараў «Буслік» адкрылася ў 2006 годзе. «Буслік» у Беларусі належыць ТАА «ДПМ». Інтэрнет-крама была зарэгістраваная ў 2015 годзе, у 2019 было атрымана пасведчанне дзяржаўнай рэгістрацыі для сеткі супермаркетаў.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…