Стары замак у Гродне пасля першай чаргі рэканструкцыі
У 2024 годзе ў Гродне плануюць зацвердзіць праект другой чаргі рэканструкцыі Старога замка ў Гродне і пачаць працу над праектам трэцяй чаргі.
Пра гэта расказаў дырэктар гісторыка-археалагічнага музея Юрый Кітурка для «Гродзенскай праўды». Зараз ідзе праца над праектамі 20 залаў асноўнага будынка палаца Стэфана Баторыя, дзе раней размяшчаўся музей. Мастакі, рэстаўратары, мэблёўшчыкі, дэкаратары супрацоўнічаюць са спецыялістамі музея, абмяркоўваючы варыянты сцэнарыяў экспазіцый па кожным з покояў палаца.
У будынку збіраюцца ўзнавіць інтэр'ерную частку часоў Баторыя: вялікую залу для прыёмаў, спальню. Некаторыя экспанаты для гэтых пакояў ужо ёсць у музеі.
Гродзенскі музей — адзіны ў Беларусі гісторыка-археалагічны музей, заснаваны на знаходках сваіх уласных археалагічных раскопкаў. У 2023 годзе вакол Старога замка археолагам удалося знайсці каля дзесяці тысяч артэфактаў, расказаў Кітурка. Гэта старажытныя рэшткі драўляных пабудоў, вырабы са скуры, шкла, керамікі, наканечнікі стрэл і іншыя элементы ўзбраення, упрыгожванні, у тым ліку з золата. Раскопкі працягнуць і ў 2024 годзе.
За 2023 год Гродзенскі гісторыка-археалагічны музей наведалі 250 тысяч наведвальнікаў
Чытайце таксама: А што, калі?.. Уяўляем, што было бы са краінай, калі б Стэфан Баторый пражыў яшчэ 20 гадоў
На першым паверсе палаца захаваюць і максімальна раскрыюць для экспанавання асновы калон, усталяваных у XVI стагоддзі. Вялікую залу, зараз падзеленую на чатыры часткі, аб’яднаюць, і памяшканню вернуць ранейшы выгляд.
На другім паверсе адновяць высакародны паверх — Piano Nobile — з асноўнымі прадстаўніцкімі і каралеўскімі памяшканнямі. Там будзе каралеўская спальня, кабінет, прыёмная, сталовая. У некаторых месцах захаваліся рэшткі тынкоўкі з фрэскамі. Вялікім першапачаткова аконным праёмам, пазней паменшаным, вернуць першасны выгляд.
Архітэктары вырашылі захаваць асноўныя сляды перабудоў XVII, XVIII і пачатку XX стагоддзя. У гэтым яны прыслухаліся да спецыялістаў, якія заклікалі не знішчаць сведчанні гістарычных пераменаў у замку. Элементы, якія перашкаджаюць успрыманню палаца і не ўяўляюць гістарычнай каштоўнасці, прыбяруць.
Папярэдне, другая чарга рэканструкцыі Старога Замка зойме пяць гадоў.
Чытайце таксама:
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…