Візуалізацыя флагштока на плошчы Савецкай у Гродне. Згенеравана рэдакцыяй Hrodna.life у нейрасетцы. Фота: Shutterstock.com via travel.by
На плошчы Савецкай у Гродне ўсталююць флагшток вышынёй 60 метраў. Гэта столькі ж, колькі складае вышыня Кафедральнага сабора Святога Францыска Ксаверыя. Работы пачнуць у 2024 годзе. Такая інфармацыя з’явілася на сайце дзяржзакупак.
UPD 7 лютага. Флагшток на Савецкай усё ж з’явіцца — Гродзенская ЖКГ правяла закупку з адной крыніцы, дзяржзакупка завершана. Прапісаны тэрмін пастаўкі - з 6 лютага па 5 ліпеня 2024 года.
Дакладную вышыню флагштока з чырвона-зялёным дзяржаўным сцягам вызначаць праектам ва ўвязцы з існуючымі будынкамі. У яго будзе дадатковая падсвятленне.
Каля флагштока размесцяць абсталяванне і канструкцыі для размяшчэння герба і прайгравання гімна. Да месца арганізуюць падыход для гараджан і турыстаў. Побач усталююць не менш за два святлодыёдных экрана з гукам. На тэрыторыі будзе стэла з назвай плошчы.
Пры работах забяспечаць безбар’ернае асяроддзе пражывання для фізічна аслабленых асоб, азеляняць прылеглую тэрыторыю і перабудуюць інжынерныя сеткі.
Спачатку трэба распрацаваць перадпраектную і праектна-каштарысную дакументацыю. Гродзенская гарадская жыллёва-камунальная гаспадарка праводзіць запыт цэнавых прапаноў. Гэта будзе каштаваць бюджэту 65 122.67 рублёў. Работы правядуць з 8 студзеня па 7 чэрвеня 2024 года.
Работы правядуць на падставе рашэння Гродзенскага гарвыканкама № 930 ад 18 снежня 2023 года.
Чытайце таксама: «Знішчылі за адзін вечар». Як 15 гадоў таму Савецкая плошча засталася без адзінага дрэва
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…