«Нёман, Каложа, Гродна — гэтыя словы паўтараюцца ў тэкстах гэтай аўтаркі бясконца», — кажуць аўтары падкаста «Гаворыць Гродна». Новы выпуск прысвечаны творчасці Дануты Бічэль. Пачаць снежань з яе вершаў і «эсэек» — цалкам натуральна, бо 3 снежня паэтка адсвяткавала дзень нараджэння.
А яшчэ ў падкасце новы вядучы. Ад 5-га выпуску Ірына Новік абмяркоўвае кнігі з Антонам Шаранкевічам.
Паслухайце іх разважанні пра тое:
- адкуль цячэ Нёман і куды нясе хвалі Гараднічанка?
- дзе паэткі ходзяць басанож і якім памятаюць гродзенскага слана?
- для каго стаў родным дом Максіма Багдановіча ў Гродне?
Што вядоўцы падкаста раяць пачытаць і паглядзець, каб азнаёміцца з творчасцю Дануты Бічэль?
Ірына Новік і Антон Шаранкевіч раяць пагартаць зборнікі вершаў Дануты Бічэль «Гараднічанка» і «Нёман ідзе», а таксама зборнік аўтабіяграфічнай прозы «Хадзі на мой голас». А яшчэ паглядзець, як віншавалі паэтку ў Гродне раней, калі яшчэ існаваў «Цэнтр гарадскога жыцця».
Калі вам хочацца далучыцца да абмеркаванняў літаратурных твораў пра Гродна і з Гродна — пішыце вядоўцам ці адпраўляйце аўдыяпаведамленні. Калі хочаце параіць кнігу для абмеркавання — таксама.
Напісаць ці адправіць аўдыё можна ў каментарыях пад любым з апошніх пастоў у Telegram-канале Ірыны Новік «Тётя Ира разрешила». Не забывайцеся пра лічбавую бяспеку!
Што яшчэ абмяркоўвалі ў літаратурным падкасце «Гаворыць Гродна»:
