Аўтавакзал у Гродне. Фота: Hrodna.life
На гродзенскім аўтавакзале зніклі галасавыя аб’явы па-беларуску. Гэта ў нядзелю 23 кастрычніка заўважыў гродзенец Аляксандр і напісаў пра гэта на сваёй старонцы ў Facebook. Каб даведацца прычыну, жыхар Гродна пайшоў да адміністрацыі вакзала.
У адміністрацыі яму патлумачылі, што змены звязаныя з тым, што раней аб’явы чытаў жывы чалавек, а цяпер — камп’ютарная праграма, якую даслалі з Мінска.
«І ў нас, маўляў, дзве дзяржаўныя мовы. Пытанні, чаму знікла менавіта беларуская мова і ці яны ўжо збіраюцца цалкам увайсці ў Расею, выклікалі невялікі скандальчык. Пачалі мяне горача пераконваць, што „все говорят по-русскі“ і іншую лабуду», — напісаў Аляксандр.
Гродзенец напісаў кіраўніцтву аўтавакзала скаргу, але не верыць, што гэта будзе мець нейкі эфект.
У каментарыях іншыя карыстальнікі Facebook заўважылі, што гэта выглядае на працяг ранейшай тэндэцыі: сёлета ў Гродне ўжо зніклі стэнды, прысвечаныя Элізе Ажэшцы, а таксама шыльда ў гонар паўстанцаў 1863 года на чыгуначным вакзале.
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…