Уваход ва ўстанову Munterra на вуліцы Савецкая, 31. Крыніца: Instagram
У Гродне рыхтуюць да адкрыцця рэстаран Munterra. Ён заняў паўпадвальнае памяшканне на Савецкай, 31. Там раней шмат гадоў працавала адна з першых у Гродне піцэрый «Рэтра піца».
Новая ўстанова ўжо з’явілася на Google Maps, дзе апублікавалі час працы:
панядзелак — чацвер, нядзеля — з 12:00 да 00:00
пятніца — субота — з 12:00 да 06:00
Зараз у рэстаран шукаюць павароў і супрацоўнікаў. Адміністрацыя гатовая заплаціць таму, хто парэкамендуе супрацоўніка.
У Маскве ў 2021 годзе адкрылі рэстаран аўтарскай кухні Munterra. Яго пазіцыянуюць як атмасфернае лаўндж-месца прыцягнення культуры і аматараў прадуманых установаў. Шрыфт лагатыпа гродзенскага рэстарана цалкам супадае з маскоўскім. Верагодна, у Гродне рэстаран адкрываюць як франшызу маскоўскага. Таксама не выключаны плагіят.
Чытайце таксама: У Гродне адкрылі марціні-бар — з салатам з васьмінога і кальянам
У 2004 годзе ў гэтым памяшканні адкрылася адна з першых гродзенскіх піцэрый — «Рэтра піца». Яна была вельмі папулярнай. Каб у яе патрапіць, гродзенцы па некалькі дзясяткаў хвілін стаялі ў чарзе. Неўзабаве яе ўласнікі стварылі цэлую сетку з чатырох установаў у цэнтры Гродна.
У савецкія часы і ў 1990-я гады месца таксама было папулярным — тут працаваў кафетэрый «Верасок», малочныя кактэйлі ў якім лічыліся самымі лепшымі ў горадзе.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…