Указальнікі ў цэнтры Гродна. Фота: Urban Hrodna
У Беларусі да канца 2023 года прыбяруць з указальнікаў і знакаў напісаныя лацінскімі літарамі назвы вуліц і мясцовасцей. Такое паручэнне даў Аляксандр Лукашэнка, паведаміў кіраўнік Адміністрацыі Лукашэнкі Ігар Сергіенка.
Чыноўнікі плануюць выключыць практыку прымянення лацініцы ў назвах вуліц і тапаграфічных аб’ектаў. Выкарыстоўваць плануюць толькі дзяржаўныя мовы ў кірылічным запісе — беларускую і рускую.
«Гэтае пытанне падымалі шматлікія неабыякавыя грамадзяне, якія ў лацінізацыі беларускай мовы ўбачылі навязванне заходніх ліберальных каштоўнасцей і культурных традыцый», — сказаў Сергіенка.
У жніўні 2022 года праўладная актывістка з Гродна Вольга Бондарава прапанавала прыбраць дубляванне назваў гарадскіх аб’ектаў лацінкай. «Разам абаронім краіну ад калабарацыяністаў!», — напісала жанчына ў сваім Telegram-канале.
У красавіку 2023 года ў Беларусі забаранілі выкарыстоўваць лаціку ў геаграфічных назвах. Тады прычынай назвалі неабходнасць умацавання гістарычна-культурнай супольнасці беларускага народа і недапушчэнне прасоўвання чужых пісьмовых традыцый і культурных каштоўнасцей.
Чытайце таксама: Бондарава прапануе забараніць валошкі
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…